Shoddo 53:1 - Kafa Linguistics Project

¹ Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubeenaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 53:1 ပူးပေါင်းရင်းမြစ်များ

1 Taateenaꞌo 12:26

Yeroboꞌamiyoo bi mulloona, “Hini asheenaꞌo deejjoon giddiyoyich Yerusaalem beeti, Doono Yeerichi yaafee kexooch boonoshi hamigaata, wochinnoon boonoshi mulloon boonoshi doono tuneti, Yihudee taatoo Roboꞌam waan wochemminaꞌone; taanoo wuxemminaꞌone; Yihudee taatoo Roboꞌam waan wottemminaꞌone. Taatittinoo Daawiti kechi asheenaꞌoyich wottemmone” iꞌi gabiye.

1 Taateenaꞌo 14:24

Boonoshi showooch anaami yaafee kechi yahechinaꞌo beeheete. Boonoshiyoo Israꞌeeleenaꞌo aafoochee Doono Yeeri yookkii kichiti aageteenaꞌo tuniibee echeti, ciigiiti mooyon tuniiheete.

Iyoobi 14:4

Eeꞌoochee xalle mooyon danoon hakkemmo konine? Koniyoona aalloone.

Iyoobi 15:16

ishigaata, axaaxoon aaco uyoommon uchiibeeti, tiyaariiti, eeꞌeti asho, aabichiree gibeneeyehe!

Shoddo 10:11

Biyoo bi mulloona, “Doono Yeeri battetone; bi aafoon bi qeritoyich, ciinaachemmone” iye.

Shoddo 10:13

Axaaxecho Doono Yeerin oogiyoo amoyich qajjiye? Amoyich bi mulloona, “Doono Yeeri taan naxeyaachemmone” iye?

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 10:6

Bi mulloonoo ishichiꞌi gabiye: “Hiniichee shuuraachemmo taane; shiijjeroochee shiijjerooch beddaahaa, iritoo ta toommooch shagaachemmone” iye.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Shoddo 92:6

Yeexere asho ariyoon bi hakkaani, mullaalli asho shalligoon bi hakkaani, mooyo beete;

Hiziqeeli 16:47

Ne, boonoshi gommon dabboo woyee ciigiiti boonoshi mooyon tuniyoo baach tuneyaanoon, giisheche aabee daggooch ne gommo bullina boonoshiyee beshe gonde mooyon tuniihine.

Hiziqeeli 16:51

Shamaari ne shuuneti axaaxee qaton shuuneyaaneene; ne biyee beshe ciigiiti mooyon tuniyoona biin deꞌe shaahiihine.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Luqaasi 12:20

“Tunebaani Yeeri ‘Hini mullaalloocho! Ne kasheen ta kotiitoochee hanaachi xum tiijjemmo taane; hini ne kicitochi, konich tunehe?’ iye.

Roomi 1:21

Ebiyoo Yeeri koni bi gaata ariibee, Yeeri bi tunee oogoonaa galletoonon biich boonoshi bajjitoyichiye. Boonoshiyoo duube gabecho tuneheete; gabaalli boonoshi mullo xummehe.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.