Shoddo 51:6 - Kafa Linguistics Project

⁶ Ne, iberoon ne shunnaa beetoyich, mullecho tunoon taach dojjibe.

Shoddo 51:6 ပူးပေါင်းရင်းမြစ်များ

2 Saameeli 12:13

Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Iyoobi 32:8

Tunebaani ashi toommooch beeti ayaano, Beshe Hakkechi Yeeri kachiti kasho, ashoon gabecho tunii beetone.

Iyoobi 38:36

Ashi mulloyich shalligoon, ashi eengoyichoo mooyon gabii deꞌon, immito konine?

Shoddo 125:4

Doono Yeero, deꞌeenaꞌoyich, mulli kaameenaꞌoyich, deebe.

Shoddo 15:2

Bi shaaddo kaamoo, tate mooyon tuniibeeto, bi mulloochee iberoon yibbaateebeeto,

Shoddo 26:2

Doono Yeero, taan phirebe; haattishoo gete; ta mulloonaa ta gaboonon phire beege.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shoddo 41:5

Ta etteenaꞌo taan gondii yibbaateheete: “Aata qitehe? Aata bi shigo batteeyehe?” iyeete.

Shoddo 5:9

Boonoshi noonooch iberoo aalloone; boonoshi gaboo aalliyoo baachiye; boonoshi qettoo qecheeti maashee oppoommone; boonoshi heciyoona dawushiyeete.

Shaahiyoo 2:21

Kaame asheenaꞌo showee toommooch kotemminaꞌone; xalleenaꞌo arooch beeyemminaꞌone.

Shaahiyoo 2:6

Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Luqaasi 11:39

Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Roomi 7:22

Maaci ta mulloona Yeerichi sheeroona emiraabeeto taane.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.