Shoddo 51:17 - Kafa Linguistics Project

¹⁷ Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Shoddo 51:17 ပူးပေါင်းရင်းမြစ်များ

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Shoddo 102:17

Duꞌetinaꞌochi cookoon waayemmone; boonoshi qolloonoo hoxeyaachemmone.

Shoddo 107:22

Galletee deejjoon biich giddiibeete; bi shuunoonoo emirikkiibeeti shoddoona geteete.

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 22:24

Aroo xukketochi xukkoon qallayii hoxeyaanoone; bi aafoonoo bi waanee badd wochaanoone; tunebaani bi waan bi cookiyooba waayehe.

Shoddo 34:18

Boonoshi mullo tiishetinaꞌoyich Doono Yeeri katinoone; gibeno kuxxitinaꞌon wodiyemmone.

Keyo 37:22

Ebi bungee degeenaꞌonaa ateenaꞌo bullina maqirajjoona tookkii ikkochee shuuneetinaꞌone; eboshi bulli xalle aachoochee qiicaa shuuneetinaꞌone.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Hiziqeeli 9:6

Geenoon tuneba gurimaashoon, gidiideenaꞌon tuneba bushiisheenaꞌon, maacheenaꞌonoo wuxibote; tunebaani boonoshi toommooch malletoo geddetinaꞌochi achooch shaggaahote. Ta yaafee kexoochee wonnibote” iye. Ebich yaafee kechi aafooch beeti ogoogeenaꞌoochee tiijjiꞌi wuxooch giyiyeete.

Amootsi 5:21

Doono Yeeri ishichiye: “Ittoshi nati baaroon shixxaa hoxeto taane. Baaroyich ittoshi kiceyoona emiraano taane.

Maatiyoosi 5:3

“Ayaanoona girechinaꞌo diireetinaꞌone; shimaajji taatittine boonoshichine.

Maariqoosi 12:33

Ebich asho ceeni bi mulloona, ceeni bi shalligoona, ceeni bi giidoona Yeerin shunonaa biinoommi bi manoon biinna tachiꞌi shunona micciibeeti deejjoonaa meeti bare deejjeenaꞌo bullinon Yeerich deejjoyee beshoone” iye.

Luqaasi 15:10

Illa ittoshich gettoye: Ebiyoommon axaaxee gommoochee Yeer waan wotteebeeti ikke axaaxechochi naboona Yeerichi maraakeenaꞌo emirii beetinaꞌone” iye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.