Shoddo 51:11 - Kafa Linguistics Project

¹¹ Ne aafoochee taan wokkiyaahine; ne Yaafe Ayaanoon ta waanee daammaahine.

Shoddo 51:11 ပူးပေါင်းရင်းမြစ်များ

Halloo 4:14

Ebiyoche, hanaach ta showoochee taan yookketine; ne aafoocheenoo wokkete; showee toommo bulliich ta kexon waaxi gooyi, yallyallimi beeyemmo taane. Illa taan danemmi asho koniyoona taan wuxemmone” iye.

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

2 Saameeli 7:15

Tunebaani bi xaaꞌooch ne tunemmoyich, Saaꞌooli toommoochee ta deꞌittinoon ta wokkiitoommon, bi waanee wokkiyaachemmo taane.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

2 Taateenaꞌo 23:27

Ebich Doono Yeeri ishichiye: “Israꞌeeleenaꞌon ta aafoochee ta wokkiitoommon, Yihudee asheenaꞌonoo ta aafoochee wokkiyemmo taane. Ta kaacceti katemoo Yerusaaleminaa ‘Ta shigo arooch beeyemmone’ ta iti yaafee kexonon qajjemmo taane” iye.

2 Taateenaꞌo 24:20

Doono Yeeri kaaro cufii cufii hammiye. Ebich biyoo Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

Shoddo 43:2

Ne shoobooch ta giyaabeeti Nuggishoo neene; taan ne duppaabeeto amoyichiye? Ta etteenaꞌo taan xuuxiyee naboona ayinibee ta shaꞌe beeyemmo amoyichiye?

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Shoddo 71:9

Ta geenee yemeenooba taan duppaahine; ta giidoo qayiyooboo taan qajjaahine.

Erimiyaasi 7:15

Ittoshi maneenaꞌo tuneti Efreemichi asheenaꞌo bullin ta dufoommon ta aafoochee ittoshin duppemmo taane’ gete.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Roomi 8:9

Tunebaani ittoshi, Yeerichi Ayaano ittoshi mullooch bi beegaata, Yeerichi Ayaanoyich hajjeeꞌi beehotalli, meenoyich hajjeeꞌi beetaachote. Illa Kiristoosichi Ayaano biich aallo bi tunegaata, aroo Kiristoosicho toonoone.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

2 Tasaloonqi 1:9

Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.

Woraaferasheenaꞌo 13:25

Tsoriꞌi katemoonaa Eshitaꞌooli katemoonochi gutte daggooch beeti, Mahaneeh Daan bi beetaa, Doono Yeerichi Ayaano biin kupphii beehe.

Woraaferasheenaꞌo 15:14

Lehi katemooch bi shaggimmona, Filsixeemeenaꞌo cookeebee bi waan waaheete. Areegaata, Doono Yeerichi Ayaano giidoona Samsooni toommooch kindiye. Bi kishoo cucheti woderoo qaaqqoo yechiti, muttee tuppoochee yokkeeti yokkoommon tuneꞌi bi kishoochee holliye.

Woraaferasheenaꞌo 16:20

Ureyoo “Samsoono, Filsixeemeenaꞌo shaggitinaꞌone” iyan. Samsooniyoo tokketoochee tiyiꞌi, “Ebiyee aaf ta tuniitoommon, muriciree hammemmo taane” iꞌi gabiye. Tunebaani Doono Yeeri biin qayon ariyaanoone.

1 Saameeli 10:10

Gibaaha boonoshi shaggimmona, ikke guuphi keemechinaꞌo biinna daneheete. Yeerichi Ayaano giidoona bi toommooch kindaa, boonoshina tookkii keemoon keemmiye.

1 Saameeli 16:14

Doono Yeerichi Ayaano Saaꞌool waanee wokkiye. Gonde ayaanoon Doono Yeeri deejjaa, biin xuuxiihe.