Shoddo 50:7 - Kafa Linguistics Project

⁷ “Ta ashoocho, waayebe; ta neech getona; Israꞌeelo, ne toommooch miixebona; ta, ne Nuggishoo Yeeri taane.

Shoddo 50:7 ပူးပေါင်းရင်းမြစ်များ

1 Taateenaꞌo 18:39

Asheenaꞌo bulli ebin beeggii, baroona guufeechii, “Doono Yeeri, aroo Nuggishoone. Doono Yeeri, aroo Nuggishoone” iyeete.

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Shoddo 49:1

Macceenaꞌote, ittoshi bulli ebin waayebote; showee toommooch beetinaꞌote, ellebote.

Shoddo 81:8

“Ta ashoocho, ta meeqqeqqoon waayebe; Israꞌeelo, taachon ne waayegaata amo beete!

Shoddo 81:9

Dallaawe nuggishoo ne daggooch beeyaaye; bare nuggishoyich goyinneyaahine.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Erimiyaasi 2:9

“Ebich ittoshin ittibatemmo taane; ittoshi bushaa bushiisheenaꞌona tookkishoo gajjiteyemmo taane” iye Doono Yeeri.

Hiziqeeli 20:5

Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.