Shoddo 50:21 - Kafa Linguistics Project

²¹ Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 50:21 ပူးပေါင်းရင်းမြစ်များ

Iyoobi 34:33

Ne, Yeer waan wottemmon qajjaachaa, ne qaawitoommon bi tuniyemmon qaawaa beetine? Ebi mooyon gabi kuxxemmo nealli, ta toono taane; illa ebich, ne ariyaa beeton gete.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Shoddo 50:8

Ne deejjoyich neen ittibateyaache; micciibeeti ne deejjoo bulli aabooch ta aafooch beetone.

Shoddo 73:11

“Halla Beshoo Yeerich ariyoo beete? Yeeri ariyemmo aabichireeshiye?” iyeete.

Shoddo 90:8

No gondoon ne aafooch yaggihine; aasheexi no axaaxoon ne aafooch, xalla bekkiihine.

Keyo 3:14

Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Isiyaasi 26:10

Gonde asho gaawe aafoona bi ciichetaanona, cadiqoon doyaache; kaameenaꞌo showoochaanolla, gonde mooyon tuniihe; Doono Yeerichi oogoon shalligaache.

Isiyaasi 42:14

Doono Yeeri ishichiye: “Meeti yemeenoon cikkito taane; haaꞌiyaa cikkaa qajjeto taane; tunebaani and, maaxoo manjeti maachechoommon cookemmo taane; kaami kaama kachaabeeto taane.

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Erimiyaasi 2:23

“Aabichiree ‘Eeꞌeyaane taane; Baꞌaaloonoo dabbaanee taane’ geton hakkenne? Bambeexi ne gommon ciine; amoon ne tuniito gaatoo shalligibe! Shaafitteti baraheexi gaaleen shaahiti neene.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.