Shoddo 50:15 - Kafa Linguistics Project

¹⁵ Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 50:15 ပူးပေါင်းရင်းမြစ်များ

2 Taateenaꞌo 20:2

Hiziqiyaasiyoo bi aafoon daabbo waan wochiichii, Doono Yeer waan ishichiꞌi corootiye:

2 Kiinoo 20:9

‘Gonde mooyo, ebiyoo, gino, woyee naxo, woyee biiyo, woyee shaacoo no toommooch bi waagaata, ne shigo beeti hini yaafee kechi ciinoochaa ne aafooch neexeechi, no iritee daggoochaa ne waan cookemmo noone; newoo no qolloon waayemmo neene; noonoo wodiyemmo neene’ iꞌiniye.

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 107:19

Aroochee boonoshi xuuxee aabooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 107:28

Aroochee boonoshi xuuxee aabooba Doono Yeer waan cookiyeete; biyoo boonoshi iritoochee boonoshin wodiihe.

Shoddo 120:1

Ta xuuxehooba Doono Yeer waan cookiyoye; biyoo ta cookoon waayehe.

Shoddo 22:23

Doono Yeerin shattii beetinaꞌote, biin galletebote; Yaaqobi yareenaꞌote, ittoshi bulli biin oogiibote; Israꞌeelee yareenaꞌote, ittoshi bulli biin shatote.

Shoddo 34:5

Bi waan ciinnii beetinaꞌo aafo biremmone; boonoshi aafo yeelleyaachemmone.

Shoddo 34:7

Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 4:2

Hini asheenaꞌote, ta oogoon ittoshi giishii beeyemmo aati wottooniye? Gaacaalli mooyon ittoshi shuni beeyemmo, kootoon ittoshi qaawi beeyemmo, aati wottooniye?

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 77:2

Ta xuuxee aabooba ta Doonon qaawiyo; xumoonoo ciroona taahaanoon ta kishoon yaggiyo; ta kasheyoo goggemmon mawiihan.

Shoddo 77:3

Yeerichon gabaꞌa tuummeho; kichaa ta kindiimmona ta mullo qitiye.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 86:7

Ta qolloon waayemmo ne tunetoyich, ta xuuxee aabooba ne waan cookemmo taane.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Erimiyaasi 39:17

Tunebaani ebiyooba ta, neen wodiyemmo taane, iye Doono Yeeri. Ne shattaabeeti asheenaꞌo kishooch beshiitaa icheyaachemmo neene.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Luqaasi 22:44

Biyoo oogichii xuuxeebee aafichoyee beshoon corootiye; damoo cotoommon caajjo bi achoochee showooch cottiye.

Yowannisi 15:8

Wodde aafoon ittoshi aafegaata, ta dabboonoo ittoshi tunegaata, ebina ta Nihoo oogemmone.

Mishiraachechinaꞌo 16:25

Tunetaa xumee gutte qellimooch Phawuloosinaa Sillaasina corootiibee shoddoona Yeerin galletee beeheete; arooch beeti qoppeenaꞌoo ellee beeheete.

Yaaqobi 5:13

Ittoshi daggoochee koniyoona iritoo bi toommooch shaggito bi beegaata, corootibe. Emiriibeeto koniyoona bi beegaata, galletee shoddoon shoddebe.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

Woraaferasheenaꞌo 15:19

Aroochee Doono Yeeri Lehi katemooch beeti showoon bi gaahaa, aaco aroochee kechiye. Samsooniyoo aroochee uchiꞌi kupphehe; bi giidoo wochinnoon andirehe. Ebich are aachi xuupho En Hakoori getaa ceekkehe. Ebi aachi xuupho hanaach beddaahaa Lehi katemooch beetone.