Shoddo 50:14 - Kafa Linguistics Project

¹⁴ Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 50:14 ပူးပေါင်းရင်းမြစ်များ

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 147:1

Haleluya! No Nuggishoyich galletee shoddoon shoddo gaawetone; biin galleto emirikkii beetonaa qaawiitonane.

Shoddo 22:25

Ooge iitee daggoochaa ta galletaabeeti galleto, bi waato ne waaneeniye; neen shattii beetinaꞌo aafooch ta tiikkeshoon giddiyemmo taane.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 27:6

And illa, ta guudoona beeti ta etteenaꞌo toommooch, ta qettimixo qaallemmone; ililibee bi duukkaanoochaa deejjoon deejjemmo taane; Doono Yeerich shodde biin galletemmo taane.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 56:12

Yeero, neech ta mookketi mookko beetone; ta galletee deejjoon neech deejjemmo taane.

Shoddo 61:8

Ebich, bulli aaboon ne shigoyich, galletee shoddoon shoddemmo taane; ta tiikkeshoonoo qemi qemona ceechemmo taane.

Shoddo 65:1

Yeero, Tsiyoonaa galletoon neech giddiyoo, neech no mookketon ceechoo, nooch qaawiihe.

Shoddo 69:32

Xukketinaꞌo ebin beegiree emiremminaꞌone; Yeerich qeyitinaꞌote, ittoshi mullo goggebe.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Shoddo 76:12

Yeeri geecechi iraasheenaꞌon giishiihe; showee toommeexi taateenaꞌo biin shattiyeete.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Naahoomi 2:1

Nanawi asheenaꞌote, ittoshin yiikkemmo waatone; ittoshi mishigooch giyi quyebote; gommon qayebote; cuyeree tibote; koyoyich qannibote.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Yibbaatoo 23:21

“Ne Nuggishoo Doono Yeerich ne mookkegaata, ne Nuggishoo Doono Yeeri ebin ne waanee qaawiibeeto bi tunetoyich, ne mookketon ceechaanoon yagiyaahine. Ne ceechoo qayigaata, ebi neech axaaxoon tunemmone.

Yibbaatoo 23:22

Doono Yeerich mookkee qayo axaaxoo toonoone.

Yibbaatoo 23:23

Tunebaani ne noonoochee kechiton kupphiiree ceechibe. Ebiyoo ne hajjee noonoona, ne daaggoona ne Nuggishoo Doono Yeerich ne mookketoyichiye.

Yibbaatoo 23:24

“Ashi woyinee goyee daggoona ne beshaa beegaata, ne michemmi wottoon bi aafoon mamon hakkihine; tunebaani aroochee amoonolla ne qiicooch geddaahine.

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.