Shoddo 50:1 - Kafa Linguistics Project

¹ Giidechi Nuggishoo Doono Yeeri gettiye. Aabi keyoochee aabi gimmooch beddaahaa ashoon ceeggiye.

Shoddo 50:1 ပူးပေါင်းရင်းမြစ်များ

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

1 Kiinoo 15:17

Ebich Leweenaꞌo Yoꞌeeli bushoo Hemaanin ukkiriiheete. Bi maneenaꞌoocheenoo Beraakiyi bushoo Asaafin, boonoshi manoo Meraari yaroochee, Kushaayi bushoo Etaanin ukkiriiheete.

1 Kiinoo 16:37

Qemi qemoyich bi qoceetoommon, Asaafinaa bi maneenaꞌona Doono Yeerichi taabootee aafoochaa bulli aaboon boonoshi maddemmoyich Daawiti tuniihe.

1 Kiinoo 25:2

Asaafichi anaami bushiisheenaꞌoochee: Zakuuri, Yooseefi, Netaaninaa Asharelaahinane. Eboshiyoo boonoshi beeto taatoochi getoona keemoon keemmiibeeti Asaafi kishoochiye.

1 Kiinoo 25:6

Eboshi bulli, boonoshi nihoo kishooch tuneꞌi, Doono Yeerichi yaafee kexooch qaaxilloona, giishi ximboonaa ooge ximboona shoddeebee Yeerichi yaafee kexoochaa maddee beeheete. Asaafi, Yedutuuninaa Hemaanina beeto taatoo kishoochiye.

1 Kiinoo 6:24

Asiiri bushoo Tahaati, Tahaati bushoo Ureli, Ureli bushoo Uziyaahi, Uziyaahi bushoo Shaawulline.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Shoddo 113:3

Aabi keyoochee aabi gimooch beddaahaa, Doono Yeerichi shigo galleteebe!

Shoddo 73:1

Boonoshi mullo xalloo tuneti Israꞌeeleenaꞌoyich, iberoochaa Yeeri gaawetone.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Shoddo 75:1

Yeero, neen galletehone; nooch katino ne tunetoyich, neen galletehone; worganikkiti ne shuunoon asheenaꞌo miixemminaꞌone.

Shoddo 76:1

Yeeri Yihudee showooch arichetone; bi shigoo Israꞌeelee showooch oogoone.

Shoddo 77:1

Oogichaꞌa Yeer waan cookiyo; ta qolloon bi waayemmoyich, oogichaꞌa Yeer waan cookiyo.

Shoddo 78:1

Ta asheenaꞌote, ta dojjoon ellebote; ta noonoochee kechiibeeti qaaroon waayebote.

Shoddo 79:1

Yeero, aagetee asheenaꞌo ne iristoon kochii yechiyeete; ne yaafee kexonoo eeꞌiiheete; Yerusaaleminoo happii aalliiheete.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 81:1

No giidoo tuneti Yeerich emiroona shoddebote; Yaaqobichi Nuggishoyich ililibote.

Shoddo 82:1

Yeeri shimaajji iitee daggoochaa bi xaaꞌooch beshehe; nuggisheenaꞌo toommooch ishichii nalliye:

Shoddo 83:1

Yeero, cikki qajjaahine; Yeero, amoonolla tuniyaanoon cikki koteyaahine.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 37:20

Andoo no Nuggishoo Doono Yeero, showee taateenaꞌo bullichi Nuggishoo, Doono Yeeri ne ikkeeto baach ne tunoon boonoshi ariyemmoyich, bi kishoochee noon wodiibe” iye.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Amootsi 3:8

Daaheroo ciddiye; keqqaachemmo konine? Nuggishoo Doono Yeeri yibbaatehe; keemo keemaachemmo konine?

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 25:32

Aagetee asheenaꞌo bulli bi aafooch kiceyemminaꞌone. Qiddoo bageenaꞌon emmisheenaꞌo daggoochee bi barbariyoommon boonoshi bullin barbariyemmone.

Yaasi 22:22

“Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.