Shoddo 5:7 - Kafa Linguistics Project

⁷ Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.

Shoddo 5:7 ပူးပေါင်းရင်းမြစ်များ

1 Taateenaꞌo 8:35

“Ne asheenaꞌo axaaxoon shuuneꞌi neen boonoshi xuqqitoyich, shimaayoon hiccaꞌa amiyo dihaachemmoyich ne tuniitaa, hini xaaꞌoo waan wotteechii boonoshi corootigaata, ne shigoon boonoshi ceegigaata, boonoshin ne xuuxiitoyich boonoshi xuꞌoochee boonoshi wottegaatoo

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

Shoddo 101:7

Dachechi asho ta kexooch beetaachemmone; koottiibeeto ta waan beetaachemmone.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 132:7

Nowoo “Ittoshi waataa bi beeyi xaaꞌooch hambone; bi aafooch goyinnebone” iyone.

Shoddo 138:2

Ne yaafee kexo waan goyinnemmo taane; ne shoodoonaa ne gibeneyoonoyich neen galletemmo taane; ne shigoonaa ne qaaroonon bulliyee beshoon ne oogiitoyich neen galletehoye.

Shoddo 28:2

Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 34:17

Cadiqeenaꞌo cookiyeete; Doono Yeeriyoo waayehe; boonoshi iritoo bulliichee boonoshin wodiihe.

Shoddo 51:1

Yeero, ne shoodoommona taan maaribe; ne ariqqee woddoommona ta axaaxoon hidi aalliibe.

Shoddo 52:8

Tunebaani ta, waarwaariibeeti zayitee mixochoommon, Yeerichi kexooch beeto taane; bulli yemeenoochee bulli yemeenooch, Yeerichi shoodoon gibenehoye.

Shoddo 55:16

Tunebaani ta, Yeer waan cookemmo taane; Doono Yeeriyoo taan wodiyemmone.

Shoddo 69:13

Doono Yeero, tunebaani ta, ne shunneti aabooba ne waan corootiyoye. Yeero, ne shoodee woddoona, xiisheeti ne wodiyoona, ta qolloon waayebe.

Shoddo 69:16

Doono Yeero, ne gaawe shoodoona ta qolloon waayebe; wodde ne ariqqoommona ta waan wottebe.

Shaahiyoo 6:16

Doono Yeeri shixxiibeeti shiritte mooyo beete; shabaatte mooyonoo oogichiꞌi ciigehe; eboshiyoo,

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 64:11

Wonnee qaabbechi no niheenaꞌo neen aroochaa boonoshi galleteebee echeti, yaafoonaa mallet gaawoona tuneti ne yaafee kexo qaaqqoona miccitone; no emiraabeeti xaaꞌeenaꞌo bulli happaa aalletinaꞌone.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Hibireena'o 4:16

Illa maaroon no danemmonaa nooch qaawiihooba noon gaachemmi wojjoon no deqqemmonoyich, wojjoon immiibeeti Yeerichi taatee qeechi aafooch gaabbaanoon giddebone.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.