Shoddo 5:11 - Kafa Linguistics Project

¹¹ Tunebaani ne shoobooch giyitinaꞌo bulli emiribeete; bulli aabooch emiroona shoddebeete; ne shigoon shunnii beetinaꞌo neenna oogichi boonoshi emiremmoyich, ne boonoshich deebo tunebe.

Shoddo 5:11 ပူးပေါင်းရင်းမြစ်များ

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 35:27

Xalloo ta tunoon beegoyich qaawii beetinaꞌo emiribeete; emiroonoo wucwuceete; wochi wochiree, “Bi guunochi diggittinoona emiriibeeti Doono Yeeri oogebe” geteete.

Shoddo 40:16

Tunebaani neen qaawii beetinaꞌo bulli neenna emiri, emiroona wucwuceete. Ne wodiyoon shunnii beetinaꞌo bulli aaboon, “Doono Yeeri oogebe” geteete.

Shoddo 58:10

Gondeenaꞌo toommooch nichoo kicheetaa beegiree, cadiqe asho emiremmone; gondeenaꞌochi damoona bi baatoon machemmone.

Shoddo 65:13

Gaddeenaꞌooch bageenaꞌo ceenniyeete; bambeenaꞌoo maayo ceennitinaꞌo tuneheete; boonoshi bulliyoo ililiibee shoddeheete.

Shoddo 68:3

Tunebaani cadiqeenaꞌo emiribeete; Yeeri aafoochaa emiroona wucwuceete; oogichishoo emiribeete.

Shoddo 69:36

Bi guuninaꞌochi yareenaꞌoo woraashemminaꞌone; biin shunnii beetinaꞌo arooch kotemminaꞌone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 2:9

Tunebaani ishichaa bi kooreetoommon, “Koniyoona bi aafoona beeggii bi ariyaanoon, bi waamona waayee bi ariyaanoon, tunemmone iꞌi bi mulloona cir bi shalligaanoon, Yeeri biin shunnii beetinaꞌoyich am shaahe meeti mooyoniye bi qanniito.”

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.