Shoddo 49:6 - Kafa Linguistics Project

⁶ Boonoshi gaannoon gibeneebeeti asheenaꞌoyich, boonoshi gijjoonoo yebeneebeeti gaannechinaꞌoyich, ta shattemmo amoyichiye?

Shoddo 49:6 ပူးပေါင်းရင်းမြစ်များ

Asteeri 5:11

oogeti gaanno biich beemon, bi anaami bushiishee meeton, ebiyoommon wotta taatoo biin bi oogiyoon, iraasheenaꞌo bulliyee beshiti oogee xaaꞌoon biich bi imonoo naadeebee gettiye.

Shoddo 112:7

Gonde yibbaatoo biin keqqichaachemmone; Doono Yeerin gibenoona bi mulloo manjoone.

Shoddo 112:8

Bi etteenaꞌochi dihoon bi beeggimmi wottoon, bi mullo manjoone; shataachemmone.

Shoddo 52:7

“Yeerichi shoobooch gimon qajjiichii, bi gaannee woddoon gibeneebeeti, gondee shuunoona kupphee qeyiti asho, ebeegote” gettemminaꞌone.

Shoddo 56:5

Ta etteenaꞌo heeyo bullin ta mooyon xummiyoyich qiicceheete; ta toommooch boonoshi gabiibeeto gondooniye.

Shoddo 56:7

Ebich Yeero, boonoshi muriccemmoyich tuniyaahine; macceenaꞌon ne kaaroona dichibe.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shaahiyoo 10:15

Gaannechoyich bi gaanno mishigechi katemoommone; girechon bi giroo aalliyemmone.

Shaahiyoo 11:28

Bi gaannoon gibeneebeeto oojjemmone; tunebaani cadiqo mocee waamochoommon waarwaariyemmone.

Shaahiyoo 23:5

Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Hosee'i 12:8

Efreemi ‘Gaanneto taane; hajjoonoo daneto taane. Ebi gaanno beetaa koniyoona ta waanee axaaxoon woyee xuꞌoon danoon hakkaachemmone’ iye.

Maariqoosi 10:24

Ebina bi dabbeenaꞌo worganeheete. Tunetaa Yesuusi wotta ishichiye: “Ta bushiisheenaꞌote, [boonoshi gaannoon gibenee beetinaꞌoyich] Yeerichi taatittineech gimo am shaahe maggoone!

Luqaasi 12:19

Ta kasheenoo “Ta kasheene, meeti yemeenooch beddemmi wodde adduunoo neech kiceetone; kashebe, mame, uye, emiribe” gettemmo taane’ iye.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.