Shoddo 47:6 - Kafa Linguistics Project

⁶ Shoddebote; Yeerich shoddebote; shoddebote; no Taatoyich shoddebote.

Shoddo 47:6 ပူးပေါင်းရင်းမြစ်များ

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 16:9

Biich shoddebote; galletee shoddoon biich shoddebote; worganeeti bi shuunoo bullinoo getote.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

Shoddo 145:1

Ta Nuggishoo ta Taatoocho, neen oogiihoye; ne shigoon bulli yemeenoon galletehoye.

Shoddo 68:4

Yeerich shoddebote; galletee shoddoon bi shigoyich shoddebote; qubee toommona hammii beetoyich, gommon qanniibote; bi shigo Doono Yeerine; bi aafoochaa emiribote.

Shoddo 89:18

No gaachoo Doono Yeeri nooch immitone; no taatoo Israꞌeelee Yaafoo waanee waatone.

Keyo 15:21

Miiriyamiyoo “Oogoona beshii bi oogetoyich, hareshoonaa hareshechonon baharooch bi dichitoyich, Doono Yeerich shoddebote” iibee shoddoon boonoshich yaggahan.

Isiyaasi 33:22

Doono Yeeri nooch nallecho, Doono Yeeri nooch sheeroon kichecho, Doono Yeeri no taatoone. Noon wodiyemmoo biine.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 25:34

“Taatoo qanne badd beetinaꞌoyich ishichemmone: ‘Hini ta Nihoo diiritinaꞌote, wobote! Yeeri alemoon bi hallitoochee tiijjiꞌi ittoshich bi qanniiti taatittineech giyiree woraashibote!

Maatiyoosi 27:37

“Hini Yesuusi Ayihudeenaꞌochi Taatoone” getaa kooreeti taggee malletoon biyee tookk xogiyeete.