Shoddo 47:1 - Kafa Linguistics Project

¹ Macceenaꞌote, ittoshi bulli kishoon koppebote; qaaroon oogichiꞌi shoddoona Yeerich ililibote.

Shoddo 47:1 ပူးပေါင်းရင်းမြစ်များ

2 Saameeli 6:15

Ebiyoommi gommona Daawitinaa Israꞌeeleenaꞌona emirii ililiibee, tiroon huggiibeenoo, Doono Yeerichi taabootoon Yerusaalem deebiyeete.

2 Taateenaꞌo 11:12

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

2 Kiinoo 13:15

Yihudee asheenaꞌoo kokkoriibee Abiyin dabbii koyeheete. Yeeriyoo Yeroboꞌaminaa Israꞌeelee asheenaꞌonon yexxiye.

Shoddo 106:47

No Nuggishoo Doono Yeero, noon wodiibe; ne shigoyich galletoon no giddiyemmoyich, yaafe ne shigoon no galletemmoyich, aageteenaꞌo daggoochee noon wochi deebe.

Shoddo 42:1

Doollee woce aacon bi qaatoommon, ta Nuggishoocho, ta kashe neen qaatiyane.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 47:5

Yeeri ililoona, Doono Yeeri shametee qaaroona, damba kechiye.

Shoddo 98:4

Showee toommo bulliich beeti asheenaꞌote, Doono Yeerich shoddebote; shoddoonaa ililoona Yeerin galletebote.

Shoddo 98:8

Aacinaꞌo boonoshi kishoona koppebeete; geppeenaꞌo ikkittinoona ililibee shoddebeete.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Erimiyaasi 31:7

Ebich Doono Yeeri ishichiye: “Yaaqobich emiroona shoddebote; aageteenaꞌochi ukkiroyich ililibote; awaajjibote; galletebote; ‘Doono Yeeri bi asho tuneti Israꞌeelee curoon wodiitone’ getote.

Sofoniyaasi 3:14

Israꞌeeleenaꞌote, emiroona shodde ililibote! Yerusaalemi asheenaꞌote, mulloochee tiijjiree, oogichi emiribote!

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

1 Saameeli 10:24

Saameeliyoo asheenaꞌo bullich “Ebi Doono Yeeri kaacciti uroon beeggii beetote? Asho bulli daggoochee biinna tato koniyoona aalloone” iye. Aroochee asheenaꞌo bulli “Taatoocho, ne taatittino manjibe” iibee cookiyeete.