Shoddo 46:5 - Kafa Linguistics Project

⁵ Doono Yeeri ebi katemee daggooch bi beetoyich, are katemee koyaa aalleyaachemmine; haree maaddooch Yeeri biin gaachemmone.

Shoddo 46:5 ပူးပေါင်းရင်းမြစ်များ

Shoddo 112:6

Cadiqe asho ciroona geewaachemmone; bulli yemeenoon shalligee beeyemmone.

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 143:8

Neen ta gibenetoyich ne shoodoon maaddi maaddoona taach bekkiibe; ta kasheen neech ta immetoyich ta hammemmi gommon taach dojjibe.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 37:40

Bi shoobooch boonoshi giyitoyich, Doono Yeeri boonoshin gaache wodiyemmone; gondeenaꞌo kishoochee boonoshin wodiyemmone.

Shoddo 62:2

Ta deebe xaqqoonaa taan wodiyechona bi baachiye; ta mishigo bi tunetoyich ciroona keqqaache.

Shoddo 62:6

Ta deebe xaqqoonaa taan wodiyechona bi baachiye; ta mishigo bi tunetoyich keqqaache.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Keyo 14:24

Showoo hariya iyaa, Doono Yeeri giimboommi quboonaa qaaqqoonochi daggooch tuneechii, dugilla ciinniꞌi, Gibitsee ginechinaꞌo keqqoona shaaweyemmoyich tuniihe;

Keyo 14:27

Muusiyoo bi kishoon baharee toommooch yaggiye; showoo hariyee, baharee aaco aafi bi goorooch wottehe. Gibitseenaꞌo aacoochee murici wodiya gubb wottee wocciyeete. Tunebaani Doono Yeeri Gibitseenaꞌon baharee daggooch tiijjii duppiye.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Hiziqeeli 47:1

Are uro, yaafee kechi kello waan taan wochii deebiye; aacoo yaafee kechi kelloochee aabi-keyo waan woccii beehe; ebiyoo yaafee kexo aabi-keyo waan wotteto bi tunetoyichiye; ebi aacoo deshi-waan beeti yaafee kechi kellee shagee dechiichee kechiꞌi, deejjee gudoyee deshi-waanina woccii beehe.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Luqaasi 18:8

Ittoshich gettoye: Boonoshich kaateree nallemmone. Tunebaani Ashi Bushoo waahooba, showee toommoochee boonoshi mulloon bi toommooch tooꞌiiꞌi biin quyee beetinaꞌon danehe?” iye.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye: