Shoddo 45:8 - Kafa Linguistics Project

⁸ Ne taho bulliich, hareboo, ereetoonaa birguudoona cinnee beetone; dangeyi gashoona macecikkeeti ne taatee kexoochaa shoddee qiiceenaꞌo ne emiremmoyich tuniiheete.

Shoddo 45:8 ပူးပေါင်းရင်းမြစ်များ

1 Taateenaꞌo 22:39

Akaabi shuuneti eche shuunoo, bi tuniiti mooyo bulli, dangeyi gashoona bi mashaamiiti bi taatee kexochonaa bi shuuneti katemeenaꞌo bullichona Israꞌeelee taateenaꞌo kiinee macaafooch kooreetone.

Shoddo 11:7

Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.

Shoddo 150:4

Kamboona, duuttoonoo biin galletebote; maqqechi shoddee qiicoona, tiroonoo biin galletebote.

Shoddo 16:11

Kashee gommon taach bekkiyemmo neene; ne aafooch ceeni emiroo, ne qannoochoo bulli yemeenee emiroo beetone.

Shoddo 45:15

Emiri wucwucibee daammemminaꞌone; taatoo kexooch giijjemminaꞌone.

Solomooni 1:13

Ta shiiqqi taach, ta xani gutte daggooch kaafaa koteti hareboone.

Solomooni 1:3

Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 4:6

Showoo gaargaaraan beetaa, harii xalleyaan beetaa, harebee guudooch, ixaanee geppooch kechemmo taane.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Solomooni 5:13

Bi gaakkoo shittoommon cinneebeeti, qimaamee bechoo becheeti tagoommone; bi noonoo harebee cinnoon cotiibeeti, naddee bungoommone.

Solomooni 5:5

Ta shiiqqich qechiya tiyeho; ta kishoochee hareboo, ta yapheroochee aache hareboo, shaaqqee tuggooch cotehe.

Amootsi 3:15

Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Yowannisi 14:2

Ta Nihoo kexooch wodde beeyi xaaꞌoo beetone. Ebi toonee gaata, ittoshich gettesho taane. Ta hammaabeeto ittoshich xaaꞌoon qanniyoyichiye.

Yowannisi 19:39

Wotta ebiyee aaf xumoona Yesuus waan waati Niqoodimoosi shaashaa awudde kiilo giraam bede hareboonaa ereetoonon yechiꞌi waahe.