Shoddo 45:7 - Kafa Linguistics Project

⁷ Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Shoddo 45:7 ပူးပေါင်းရင်းမြစ်များ

1 Taateenaꞌo 19:16

Nimishi bushoo Yehin, Israꞌeelee taatoo bi tunemmoyich huute. Abeel Meholi katemee asho, Shafaaxi bushoo Elisayin ne keroon keemecho bi tunemmoyich, huute.

Shoddo 101:8

Showee toommeexi axaaxechinaꞌon maaddi maaddoona aalliyemmo taane; Doono Yeerichi katemoochee gondeenaꞌo bullin aalliyemmo taane.

Shoddo 11:7

Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 21:6

Bulli yemeenee diiroon biich immehine; biinna tookkaa ne tunoona biin emirikkihine.

Shoddo 33:5

Doono Yeeri cadiqoonaa dayinnetoonon shunniye; bi shoodo showoo bulliich ceennitone.

Shoddo 89:20

Ta guuno Daawitin danehoye; yaafeeti ta zayitoona biin huuttehoye.

Shoddo 89:26

Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Leweenaꞌo 8:12

Ebi huutee zayitoochee Haroonichi shimbooch ukkiye; biin huuttiꞌi yaafiye.

Maatiyoosi 3:15

Yesuusiyoo wochiꞌi, “And qajje gettaaye; ebin tuniyoona Yeeri aafooch kaamoo tuneto bullin shuuno nooch qaawiihe” iye. Arooba Yowannisi tunebe iye.

Maatiyoosi 7:23

Arooba ‘Hini hukkechinaꞌote, ta waanee wohote. Ittoshin cir ariyaano taane’ getiree boonoshich xalla gettemmo taane” iye.

Luqaasi 13:27

“Biyoo ‘Ittoshich gettoye: Koni ittoshi gaata, amoochee ittoshi waato gaatoo ariyaano taane; hini hukkechinaꞌote, ittoshi bulli ta waanee wohote’ gettemmone.

Yowannisi 1:16

Bi toommooch meettiꞌi bekketi wojjoochee no bulli wojjee toommooch wojjoon deqqeto noone.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Mishiraachechinaꞌo 2:28

Kashee gommon taach bekkiito neene; neenna tookki ta tunehooba, oogichi taan emirikkemmo neene’ itone.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Hibireena'o 1:9

Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.