Shoddo 44:3 - Kafa Linguistics Project

³ Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 44:3 ပူးပေါင်းရင်းမြစ်များ

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

2 Kiinoo 20:7

No Nuggishoocho, hini showee asheenaꞌon ne asheenaꞌo tuneti Israꞌeeleenaꞌo aafoochee yookkaa kichaachaa, ne shunecho tuneti Abrahami shiijjereenaꞌoyich, bulli yemeenoon boonoshicho bi tunemmoyich showoon immeto, neene.

Shoddo 111:6

Aageteenaꞌo showoon boonoshich imona, bi shuunee giidoon bi asheenaꞌoyich bekkiitone.

Shoddo 17:7

Etto waanee ne shoobooch giyitinaꞌon, ne qanne mochoona wodiyechocho, ne shoodoon worganikkiti gommona bekkiibe.

Shoddo 20:6

Doono Yeeri bi huuttiton wodiyemmo bi tunoon and ariitoye; ooge wudechi bi qanne kishoona yaafeeti bi shimaayoochaa biich wochemmone.

Shoddo 4:6

“Gaawe mooyon koni nooch bekkiiba!” ii beetinaꞌo meetinaꞌone; Doono Yeero, ne aafee biroo no toommooch birebe.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 42:5

Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechon wochinnoon galletemmo taane.

Shoddo 74:11

Ne kishoon gubb ne wochaabeeto amoyichiye? Ne qanne mochoon tiijjoo ne qajjaabeeto amoyichiye?

Shoddo 77:15

Yaaqobinaa Yooseefinochi yareenaꞌo tuneti ne asheenaꞌon, ne mochoona biisheto neene.

Shoddo 78:55

Boonoshi aafoochee aageteenaꞌon yookkiye; boonoshi showoonoo iristo tuniiꞌi qoodiye; boonoshi kexonoo Israꞌeeleenaꞌoyich immiye.

Shoddo 80:16

Etteenaꞌo arooch qaaqqoo geddiyeete; kuxxiinoo duppiyeete; boonoshin ne kaaretaa aallebeete.

Shoddo 80:9

Bi guudeexi mocoon dappehine; cammon awurehe; dicciꞌi showoona ceenniye.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Haddoo 14:8

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

2 Qorontoosi 4:7

Tunebaani ebi ooge hakkoo Yeerichoani, noocho bi tunee qayo bekkemmoyich, nuuqqee qiicoochoommon tunaꞌa no maac ebi oogeton aaxxe mooyon yecheto noone.

Yibbaatoo 10:15

Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

Yaasi 24:12

Ittoshiyoo aaf ittoshi qaxirimmi haddoona gutte Amooree taateenaꞌon yookkii kichoyich boonoshin betiihoye. Ebi bulli tuneto, ittoshi goraadoona woyee maꞌoona ittoshi koyetaa toonoone.

Yaasi 3:10

boonoshich ishichiye: “Beeyechi Nuggishoo Yeeri ittoshi daggooch bi beemonaa aroo iberoon Kanaaneenaꞌon, Hiteenaꞌon, Hiweenaꞌon, Ferizeenaꞌon, Girigaasheenaꞌon, Amooreenaꞌonaa Yebuseenaꞌonon ittoshi aafoochee yookkemmo bi tunoonon ittoshi ariyemmo, ebinane.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.