Shoddo 42:4 - Kafa Linguistics Project

⁴ Dofee asheenaꞌon dabbiyaꞌa, boonoshina tookkaa Yeerichi kexooch ta hamon, ililiibee galletee shoddoona baaroon no baaroon, ebi mooyon ta gabimmona ta mullo tiishehe.

Shoddo 42:4 ပူးပေါင်းရင်းမြစ်များ

2 Taateenaꞌo 18:30

Wottoo, ‘Doono Yeeri iberoochaa noon wodiyemmone. Hini katemeyoo Asooree taatoo kishooch beshiitaa icheyaachemmine’ iꞌi Hiziqiyaasi Doono Yeerin ittoshi gibenemmoyich bi gettii beeton waayeyaahote.

2 Taateenaꞌo 18:32

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona, zayitee mixonaa eeyona beeti showooch ittoshin ta daammemmi wottoon, qitaanoon kashoona ittoshi beeyemmoyichiye. “Doono Yeeri noon wodiyemmone” getona Hiziqiyaasi ittoshin bi dachigaata, waayeyaahote.

2 Kiinoo 7:10

Shabaattinnee agenee hiyaa keejjinnee qemooba, taatoo asheenaꞌon boonoshi kexi kexooch daachiihe. Doono Yeeri Daawitich, Solomooninaa bi asheenaꞌo tuneti Israꞌeeleenaꞌonoyich bi tuniiti deꞌe mooyoyich oogichii emiriibee hammiyeete.

Iyoobi 29:2

“Abo, wonnee ta beemoommon, Yeeri taan quyetaa ta beemoommon, wochinnoon beebota!

Shoddo 100:4

Galletebee bi kelleenaꞌona gibote; galletebeeshoo bi addibaabooch gibote; galletoonoo biich imbote; bi shigoonoo naadibote.

Shoddo 102:10

Ebiyoo ooge ne kaaroochee tiyitona taan tiijjaa ne awuretoyichiye.

Shoddo 115:2

Aageteenaꞌo amoyich, “Boonoshi Nuggishoo aaye?” geteeta?

Shoddo 122:1

“Doono Yeerichi kexooch hambone” boonoshi immona emiriyoye.

Shoddo 122:8

Ta maneenaꞌonaa ta xibeenaꞌonochi naboyich, “Diggoo ne daggooch tunebe” gettemmo taane.

Shoddo 55:14

Yeerichi yaafee kexooch asheenaꞌona tookkaa hammaabee, shaawi yibbaatoona emiraa beehone.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Shoddo 79:10

Aageteenaꞌo amoyich “Boonoshi Nuggishoo aaye?” geteeta? Ufeti ne guuninaꞌochi damee nichoon ne gaacon, no ciini beetaa aageteenaꞌoyich arichiibe.

Shoddo 80:6

No giyeenaꞌo no showoon deꞌoyich, boonoshinaa boonoshina koyemmoyich tuniihine; no etteenaꞌo no toommooch miicciyeete.

Isiyaasi 30:29

Tunebaani yaafeeti baaroobee xum ittoshi shoddee beetoommon shoddemmo ittoshine; Israꞌeeleenaꞌochi Xaqqee Inderoo tuneti Doono Yeerichi guudooch, shumburoon huggiibee hammiibeeti ashichoommon ittoshi mullo emiremmone.

Shoosho 2:19

Xumoona tiyi wochi wochi cookibote; ittoshi mullooch beeto bullin, Doonochi aafooch aacochoommon woniibote; gommo bulliichaa shaacoona naqereti, ittoshi bushiisheenaꞌochi kashoyich, ittoshi kishoon bi waan yaggibote.

Shoosho 4:1

Yaafee kechi xaqqeenaꞌo gommo bulliich shaceheete; ye aachoo aabichiꞌi dooshirehe! Gaawe aachoo aabichiꞌi shaddeehe!

Hiziqeeli 46:10

Boonoshi giyii beegaata, iraashoo boonoshina tookki gibe; boonoshi kechii beegaatoo, keye.

Yoꞌeeli 2:17

Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Luqaasi 16:25

“Tunebaani Abrahami wochiꞌi, ‘Ta bushoochoo, showee toommooch ne beehooba, deꞌe mooyo bullin ne danoon shalligibe. Ebiyoommon wotta Alazaari showee toommooch bi beehooba, magge iritee toommooch bi beemonoo shalligibe. Tunebaani Alazaari and hiniichaa bi ayinoon shoottitone; newoo xuuxaabeeto neene.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Ruuti 1:21

Ceenona kecheti taan Doono Yeeri ta kishoon tiqqiiꞌi wochitone. Doono Yeeri taan naxemmona, Beshe Hakkechi Yeeri taan xuuxoona yexximmona, aakkiya taan Naꞌoomi iyote?” iyan.