Shoddo 4:7 - Kafa Linguistics Project

⁷ Maayoonaa woyinee uyoona boonoshi woddetaa emirii beetinaꞌoyee beshe emiroon, ta mullooch geddehine.

Shoddo 4:7 ပူးပေါင်းရင်းမြစ်များ

Shoddo 31:17

Doono Yeero, neen ta ceeggetoyich yeellayone. Gondeenaꞌo yeellebeete; minnakanna getaanoon maash hambeete.

Shoddo 37:4

Doono Yeerina emiribe; biyoo ne mullee qaatoon neech immemmone.

Shoddo 43:4

Aroochee Yeerichi deejjee gudooch, taan oogichiꞌi emirikkiti Yeer waan, hammemmo taane. Yeeri ta Nuggishoocho, ooge ximboona neen galletemmo taane.

Shoddo 67:2

Ne gommo, showoo bulliich, wodiyecho ne tuno, aagetoo bullich, arichebe.

Shoddo 80:4

Beshe Mawe Nuggishoo Doono Yeero, ne asheenaꞌochi corootoon waayee qayona, ne kaare beeyemmo aati wottooniye?

Shoddo 92:4

Doono Yeero, ebiyoo ne shuunoona taan ne emirikkitoyichiye; ne kishee shuunoyich emiroona shoddemmo taane.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Isiyaasi 9:3

Ne aageteenaꞌo meettemmoyich tuniito neene; emiroonoo boonoshich daakkihine. Asho maayoon bi qeciyooba, kecoonoo bi qoodehooba, bi emiroommon, ne aafoochaa emiremminaꞌone.

Erimiyaasi 48:33

Qeemo tuneti Moꞌabee showoochee wucwuconaa emiroona aalletone; woyinee uyo oppoochee bi keyaachemmoyich tuniito taane; duuchecho ililoona duushaachemmone; cookee qaaro waayeetaanolla aroo ililoo toonoone.

Haddoo 6:25

Doono Yeeri bire aafoona neen ciine; neech ariqqebe;

Mishiraachechinaꞌo 14:17

Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

Woraaferasheenaꞌo 9:27

Boonoshiyoo boonoshi woyinee goyo beetooch hammii, woyinee aafoon maciꞌi woyinee uyoon duuchiyeete; baaroonoo baariyeete; boonoshi nuggishoochi yaafee kexooch hammiyeete; aroochaanoo maa uchiyeete; Abimeleekinoo naaggiyeete.