Shoddo 4:5 - Kafa Linguistics Project

⁵ Tate deejjoon deejjibote; Doono Yeerinoo gibenebote.

Shoddo 4:5 ပူးပေါင်းရင်းမြစ်များ

2 Saameeli 15:12

Abisoloomi deejjoon giddiibee, Daawitin ciicciibeeti asheenaꞌo daggoochee ikkoo tuneti Akixofeelin bi katemoo Giloonee bi woyemmoyich wochehe. Taatoo toommooch boonoshi koceeti koceyoo manjii manjii hammiye. Abisoloomin dabbiibeeti asheenaꞌoo meettii meettii hammiyeete.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 26:1

Doono Yeero, ta shaaddo kaamoo bi tunetoyich, taach nallibe. Okk hach getaanoon Doono Yeeri neen gibeneto taane.

Shoddo 37:3

Doono Yeerin gibenebe; gaawe mooyonoo tuniibe; showee toommooch diggoona beeyemmo neene.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 51:19

Ebiyooba, tate deejjoo, micciibeeti deejjoo, amolla echeyaanoon micciibeeti deejjoo, neen emirikkemmone; ebiyooba gubbeneenaꞌo ne deejjee gudooch deejjeyemminaꞌone.

Shoddo 62:8

Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.

Shoddo 77:7

“Doono Yeeri bulli yemeenoon duppehe? Ebiyee bekk ciroona nooch deeyaachehe?

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Milikiyaasi 1:8

Wolle gijjoon deejjoo ittoshi giddiyoo ebi tatoone? Baata sheqqe gijjoonaa biiyechi gijjoonon deejjoo ittoshi giddiyoo ebi tatoone? Ebin ittoshi ukkiroyich ittoshi giddiitaa, iberoochaa emiroona deꞌiree ittoshin galletehe?” iye Beshe Mawe Doono Yeeri.

Maatiyoosi 5:23

“Illa ne deejjoon deejjee gudee toommooch Yeerich giddiyoyich qanniibee, ne manoo neenna ayiniti mooyo beemon ne gabigaata,

Yibbaatoo 33:19

Bare yoodee asheenaꞌon boonoshi geppooch ceeggemminaꞌone; ebi aroochaa tate deejjoon deejjemminaꞌone. Boonoshi gaannoon baharoochee, baharee gashooch beeti qacoochee daneheete” iye.

1 Pheexiroosi 4:19

Ebich Yeerichi daaggoona xuuxoon beeggii beetinaꞌo, deꞌe mooyon tuniibee, gibeneeto tuneti, halliti Yeerichi kishooch boonoshi kashoon quyiibeete.