Shoddo 4:2 - Kafa Linguistics Project

² Hini asheenaꞌote, ta oogoon ittoshi giishii beeyemmo aati wottooniye? Gaacaalli mooyon ittoshi shuni beeyemmo, kootoon ittoshi qaawi beeyemmo, aati wottooniye?

Shoddo 4:2 ပူးပေါင်းရင်းမြစ်များ

Shoddo 106:20

Yeerichi oogee yiiroon, mocoon maabeeti gubbenoochi misiloona shaddiyeete.

Shoddo 14:6

Ittoshi girechochi gaboon duubiyoyich qaawiyote; tunebaani Doono Yeerichi shoobo biich deeboone.

Shoddo 2:1

Aageteenaꞌo koceebeeto amoyichiye? Macceenaꞌo duube gaboon gabiibeeto amoyichiye?

Shoddo 3:3

Tunebaani Doono Yeero, gaachoochoommon taan deebaabeeto neene; taach oogoon immaabeeto, ta qettimixon qaalliyaabeeto neene.

Shoddo 31:6

Gaacaalli nuggisheenaꞌoyich goyinnee beetinaꞌon shixxehine; tunebaani ta, Doono Yeeri neen gibenehoye.

Shoddo 5:6

Kootoon yibbaatee beetinaꞌon aalliihine; damee ukkechinaꞌonaa dachechinaꞌonon Doono Yeeri ciigehe.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 57:4

Boonoshi gasho ginoommonaa shangoommona tuneti, boonoshi heciyoo hacheeti goraadoommo tuneti, ashoon maabeeti daahereenaꞌo daggooch dihito taane.

Shoddo 58:1

Giidechinaꞌote, dayinnetoona nallii ariihote? Asheenaꞌo daggooch tachii nallii ariihote?

Shoddo 58:3

Gondeenaꞌo shiijjeyaan bee muricciyeete; boonoshi shiijjoochee tiijjiinoo muriccii koottiyeete.

Shoddo 63:11

Tunebaani taatoo, Yeerina emiremmone; Yeerichi shigoona wogee beetinaꞌo Yeerin oogiyemminaꞌone; kootoon koottiibeeti noonoo hichemmone.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Dojjecho 8:11

Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.

Dojjecho 9:3

Kashecho bullichi ciiro ikke shaahoo tuno, ebi hini showee toommooch tuneebeeti gonde mooyone. Asheenaꞌochi mullooch gondo ceennitone; boonoshi kashee yemeeno bulliich boonoshi mullooch geyo beetone; ciiroochaanoo qitemminaꞌone.

Isiyaasi 20:5

Topphiyoon gibenetinaꞌo, Gibitsina yebenetinaꞌoo keqqemminaꞌone; yeelleshoo getteminaꞌone.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Erimiyaasi 2:11

Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.

Erimiyaasi 2:5

Doono Yeeri ishichiye: “Ittoshi qaabbechinaꞌo ta waanee boonoshi wokkito, duube mooyon boonoshi dabbito, duubee boonoshi ito, ta waanee amee dayinnetaalli mooyon daneꞌiniye?

Erimiyaasi 9:3

“Kootoon kootoyich boonoshi heciyoon maꞌoochoommon ciixxiyeete; iberoo tuneyaanoon kooto showee toommooch taatehe; gondee gondee qeyiyeete; taanoo ariyaaneenaꞌone iye” Doono Yeeri.

Hosee'i 4:7

“Qeesheenaꞌo meettii meettii boonoshi hammimmona, taan boonoshi xuqqiibeeti xuꞌo meettii meettii hammiye. Tawoo boonoshi oogoon giishiyemmo taane.

Yoonaasi 2:8

“Gaacaalli shahalleenaꞌoyich goyinnee beetinaꞌo, neech gibeneeto tunoon qajjitinaꞌone.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Mishiraachechinaꞌo 24:9

Ayihudeenaꞌo wotta “Hini mooyo iberoone” iꞌi ceechiyeete.

1 Qorontoosi 1:31

Ebich ishichaa bi kooreetoommon, “Geecemmo Doonona geecibe.”

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

1 Saameeli 12:21

Ittoshich gaacon woyee ittoshin wodiyoon hakkaani, gaacaalli mooyinaꞌon dabbi hammaahote; boonoshiyoo gaacaalleenaꞌone.