Shoddo 39:12 - Kafa Linguistics Project

¹² “Doono Yeero, ne aafooch iibboo ta tunetoyich, ta qaabbechinaꞌochoommon shiqqoo ta tunetoyich, ta qolloon waayebe; ta cookoon ellebe; ta eefon cikki qajjaahine.

Shoddo 39:12 ပူးပေါင်းရင်းမြစ်များ

Halloo 21:34

Abrahamiyoo meeti naton dallaawittinoona Filsixeemee showooch kotehe.

Halloo 47:9

Yaaqobiyoo Faroonich wochiꞌi, “Showee toommooch iibbittinoona ta beshiiti nato, balli shaashe natone. Ebiyoo ta qaabbechinaꞌo iibbittinoona beebee echeti yemeenoona tookkii bi tacheegaata, taacho qaminone; wotta iritoo woddeti yemeenoone” iye.

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

1 Kiinoo 29:15

Nowoo, wonnee no qaabbechinaꞌochoommon ne aafooch shiqqoonaa iibboona noone. No yemeeno showee toommooch gibeneyaani yiirittoommone.

Iyoobi 13:28

“Ebiichee tiyitona baanniti mixo buricoommon buricoye; pilo maati qoreddoon shaahihoye.

Iyoobi 16:20

Ta nuucheenaꞌo taan cooneheete; ta aafo acimoon ukkiibee Yeer waan ciinniye.

Shoddo 102:1

Doono Yeero, ta corootoon waayebe; ta cookoo ne waan shage.

Shoddo 116:3

Qitoo dabboochoommon taan yechiye; maash hamo taan maaceriihe; xuuxoonaa ayinoona taan maahe.

Shoddo 119:19

Ta, showee toommooch dallaawoo taane; ne geteenaꞌon taach aachiyaahine.

Shoddo 119:54

Dallaawoo tunaꞌa ta beeti showoochaa ne qociyoo taach shoddoon tunehe.

Shoddo 56:8

Ta yallyallimee yemeenoon haddihine; ta acimoonoo ne qiicooch kotiihine; eboshin koberaa yechehine.

Shoddo 90:9

No yemeeno bulli ne kaaroona beshehe; no eenoo hiinnoommone.

Leweenaꞌo 25:23

“ ‘Showoo taacho bi tunetoyich, kemetoyich bi hajjoo tuniitaa kechaaye. Ittoshiyoo iibboommonaa shiqqoommona ittoshine.

2 Qorontoosi 5:6

Ebich bulli aaboon gibenaꞌa Yeeri toommooch mulloon tooꞌiyoonalli, beꞌona shaꞌetaachone; beeyi kexo tuneti no meenona no beemmi wottoon, no Doono Yesuus Kiristoos waanee wokkaꞌa no beemon ariibeeto noone.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.