Shoddo 36:9 - Kafa Linguistics Project

⁹ Kashoo bullichi xuupho ne tunetoyich, ne bekkoona bekkoon beeggehone.

Shoddo 36:9 ပူးပေါင်းရင်းမြစ်များ

Iyoobi 29:3

Arooba, Yeeri bi ceechoon ta toommooch aaxxii beetone; tawoo manderoon bi bekkoona shaꞌaabee echeto taane.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 65:5

Yeeri noon Wodiyechocho, worganikkiti cadiqe mooyon tuniyoona no corootoon waayehine. Showee tuggooch beddaahaa, wohooch beeti baharooch beddaahaa, beetinaꞌoyich gibeno neene.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 12:3

Wodee xuuphoochee aacon emiroona kittemmo ittoshine.

Isiyaasi 2:5

Yaaqobichi yareenaꞌote, ittoshi waataa, Doono Yeerichi bekkoona shaꞌebone.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Yowannisi 4:10

Yesuusi wochiꞌi ureyich “Yeeri immiibeeti wojjoon, wotta ‘Aacon taach imbe, uyona’ ii beeti ta koni ta tunoonon, ne ariito gaata, ne taan qolleshi neene; tawoo kashee aacon neech immesho taane” iye.

Yowannisi 4:14

tunebaani ta immaabeeti aacoochee uchiibeeto koniyoona bulli yemeenoon shacheweyaachemmone. Ta immaabeeti aaco bi maacooch bulli yemeenee kasho xuupphiibeeti tunoo tunemmone” iye.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.