Shoddo 36:7 - Kafa Linguistics Project

⁷ Yeero, ne shoodo oogeti aaxxe mooyone; asheenaꞌo ne qoshee yiiroon shoobo tuniiheete.

Shoddo 36:7 ပူးပေါင်းရင်းမြစ်များ

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Shoddo 139:17

Yeero, ne gaboo am shaahoon oogetone; ta shalligoyee beshe gaminoone.

Shoddo 17:8

Ne aafee aachoochoommon taan quyebe; ne qoshee yiiroochoo taan aachibe.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Shoddo 57:1

Taach ariqqebe; Yeero, taach ariqqebe; ta kashe ne shoobooch bi giyetoyich, yubee yongoommi aallo beshemmi wottoon, ne qoshee yiiroon shoobo tuniyemmo taane.

Shoddo 63:7

Ta gaachoo ne tunetoyich, ne qoshee yiiroochaa emiroona shoddehoye.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.