Shoddo 36:4 - Kafa Linguistics Project

⁴ Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 36:4 ပူးပေါင်းရင်းမြစ်များ

Asteeri 5:14

Arooba bi mechee Zereeshinaa bi shunechinaꞌo bullina ishichiyeete: “Aache hira bede giimboon xogiichi, Mordokiyoosin arooch bi yooddiyemmoyich yaach maaddoona taatoon echebe; aroochee emiribee taatoona tookki gifirooch gibe” iyeete. Ebi mooyo Hamaanin emirikkiye; biyoo giimboon qanniihe.

Asteeri 6:4

Taatoo “Taatee kexooch beeto, konine?” iꞌi echehe. Areegaata Hamaani bi qanniiti giimbooch Mordokiyoosin yooddiyoyich taatoon daaggiiya taatee kexoyee maach beeti addibaabooch batt shaggitone.

Iyoobi 15:16

ishigaata, axaaxoon aaco uyoommon uchiibeeti, tiyaariiti, eeꞌeti asho, aabichiree gibeneeyehe!

Shoddo 38:12

Taan wuxoyich qaawii beetinaꞌo taach dabboon dabbeheete; gonde mooyo ta toommooch shagon qaawii beetinaꞌo, taan aalliiya yibbaateheete; heeyo bullin ta toommooch koceeheete.

Shoddo 52:3

Deꞌoyee beshoon gondoon, iberoon yibbaatoyee beshoon kootoon shunnehine.

Shoddo 97:10

Doono Yeeri gondoon shixxii beetinaꞌon shunniye; bi yaafeenaꞌochi kashoon quyehe; gondoochi kishoochee boonoshin wodiihe.

Shaahiyoo 24:2

Boonoshi mullo gabiibeeto xuꞌooniye; boonoshi noonoo yibbaateebeeto ashoon duꞌiyooniye.

Shaahiyoo 24:23

Eboshi wotta mullechi asheenaꞌochi yibbaateenaꞌone: Ashi aafoon ciinniꞌi nalloo tato toonoone.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Mikiyaasi 2:1

Gondoon shuunoyich kichii kindiibee, tokketaalli aafoona qeyii beetinaꞌoyich woowo! Hakkoo boonoshich bi beetoyich, ebi aroon showoo harimmona tuniiheete.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Maatiyoosi 27:1

Dechara maaddoona qeeshee ukkireenaꞌonaa showee geeneenaꞌona bulli Yesuusin wuxoyich echeeheete.

Mishiraachechinaꞌo 23:12

Showoo haraa, Ayihudeenaꞌo daggoochee ikkikkeenaꞌo kiceeꞌi, “Hini Phawuloosin wuxaanoon maayoon tuneba uyoon yeshaachone” iꞌi boonoshi kashoona wogeheete.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Yaaꞌoo 2:2

Ne shuunoonaa ne aayonon, ne haaꞌiyoonoo ariibeeto taane; gondeenaꞌon haaꞌiyaache ne getonaa ebiyoommon wotta mishiraachechinaꞌo tuneyaanoon ‘Mishiraachecho noone’ ii beetinaꞌon boshaa kichaꞌa koote dojjechinaꞌo boonoshi tunoon ne danoonon ariibeeto taane.

1 Saameeli 19:11

Saaꞌooli aroobee xum Daawiti kexon giishi qeyiree bi yaachi maaddoon biin boonoshi wuxemmoyich, asheenaꞌon daachiihe. Tunebaani Daawiti mechee Mikaali Daawitich “Hanaachi xum muriccaa wodoo ne qayigaata, yaach maaddoona qitecho neene” iyan.