Shoddo 34:7 - Kafa Linguistics Project

⁷ Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 34:7 ပူးပေါင်းရင်းမြစ်များ

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

2 Taateenaꞌo 6:17

Aroochee Elisayi ishichiꞌi corootiye: “Ta Doono Yeero, bi ciinnemmoyich bi aafoon gaxxibe” iꞌi qollehe. Ebina Doono Yeeri bi aafee bushoochi aafoon gaxxiye. Biyoo qaaqqee haresheenaꞌonaa gaarinaꞌona guudi toommooch ceenniꞌi, Elisayi guudoona beetinaꞌon beeggiye.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 139:5

Ne, ta aafinaa ta gubbinooch beeto neene; ta shimbooch ne kishoon kotiihine.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 91:11

Ne gommo bulliichaa neen boonoshi quyemmoyich, bi maraakeenaꞌoyich getiree ne waan deejjemmone.

Keyo 22:22

“Xuumee toommooch woyee nihaalleenaꞌo toommooch xuꞌoon shuuneyaahote.

Keyo 22:26

Ashi qoreddoon yechiyoo ne daamigaata, showoo xumetaan beetaa wochibe.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Zakaariyaasi 9:8

Ginee naayinaꞌo aroona okk hach boonoshi besheyaachemmoyich, ta showee guudoon quyemmo taane. Ta asheenaꞌo duꞌoon ta hajjee aafoona ta beeggetoyich, giidechinaꞌo ebiyee bekk boonoshin neexi hajjaachemminaꞌone” iye.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Luqaasi 16:22

“Ebiyee gubb, are girecho qitiye; maraakeenaꞌo deenniꞌi Abrahamichi sheenooch daammii kotiiheete. Gaannecho wotta qitiꞌi duukkehe.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?