Shoddo 33:21 - Kafa Linguistics Project

²¹ No mullo biinna emiriye; ebiyoo yaafe bi shigoon no gibenetoyichiye.

Shoddo 33:21 ပူးပေါင်းရင်းမြစ်များ

1 Kiinoo 16:10

Yaafe bi shigoonoo geecibote; Doono Yeerin qaawiibeeti mullecho emiribe.

1 Kiinoo 16:35

Biichoo ishichibote: “Noon wodiyechi no Nuggishoocho, noon wodiibe; neen no galletemmoyich, yaafe ne shigoon no oogiyemmoyich, aageteenaꞌo daggoochee noon shiweree, ikkooch noon kicibe” getote.

Shoddo 13:5

Tunebaani ta, ne shoodoon gibenehoye; ta mullo ne wodiyoona emiriye.

Shoddo 28:7

Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Yowannisi 16:22

Illa ittoshi and ayiniibeeto ittoshine; tunebaani wochinnoon ittoshin beeggemmo taane; arooba emiroona wucwuccemmo ittoshine; ittoshi emiroonoo boggemmo aalloone.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.