Shoddo 33:18 - Kafa Linguistics Project

¹⁸ Ebiyoche Doono Yeeri aafo biin shattii beetinaꞌon, bi shoodoon gibenee beetinaꞌon, ciinniye.

Shoddo 33:18 ပူးပေါင်းရင်းမြစ်များ

1 Taateenaꞌo 17:6

Kurecheenaꞌoo koshonaa meenonon maaddoonaa womikkoona biich deebii beeheete. Aroocheenoo aacon uchii beehe.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Iziri 8:22

Ebiyee aaf taatoyich “Yeeri biin qaawii beetinaꞌon gaawe aafoona ciinnii beetone; tunebaani biin qajjitinaꞌo bulli toommooch bi kaaree shiixxoon kindiyemmone” iyaꞌa getteto noone. Ebich yeellaꞌa gommeexi etteenaꞌo waanee noon boonoshi quyemmoyich, ginee naayinaꞌonaa hareshechinaꞌonon taatoo waanee echeyaano taane.

Iyoobi 36:7

Yeeri cadiqeenaꞌon quyee beetone; taateenaꞌochoommon qeenooch boonoshin kotii beetone; bulli yemeenoon boonoshin oogii beetone.

Shoddo 111:5

Biin shattii beetinaꞌoyich maayoon immiye; bi giyiti wogoon ciroona batteyaache.

Shoddo 13:5

Tunebaani ta, ne shoodoon gibenehoye; ta mullo ne wodiyoona emiriye.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 52:8

Tunebaani ta, waarwaariibeeti zayitee mixochoommon, Yeerichi kexooch beeto taane; bulli yemeenoochee bulli yemeenooch, Yeerichi shoodoon gibenehoye.

Erimiyaasi 37:21

Ebich taatoo Sedeqiyaasi getoon immiye; boonoshiyoo Erimiyaasin kellechinaꞌochi addibaabooch kotiiheete; katemoochee kosho bulli ciiremmi wottoon koshon kachii beetinaꞌo waanee qemi qemonaa ikkikke kosho biich ichee beehe; ebina Erimiyaasi kellechinaꞌochi addibaabooch kotehe.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

1 Pheexiroosi 3:12

Doono Yeeri aafo cadiqeenaꞌo waan ciinnii beetone; boonoshi qolloon waayoyich bi waamo qechoone; tunebaani Doonochi aafo gondoon shuunee beetinaꞌoyich maggemmone.”