Shoddo 33:16 - Kafa Linguistics Project

¹⁶ Taatoo bi ginee naayi meetona wodaache; ginee anaamo bi giidee beshoona wodaache.

Shoddo 33:16 ပူးပေါင်းရင်းမြစ်များ

1 Taateenaꞌo 20:10

Been Hadaadiyoo, “Taan dabbiibeeti asheenaꞌoyich Shamaaree butto kopp koppee ikki bi bedigaata, nuggisheenaꞌo ta toommooch ebin tuniibeete; ebinoo daakkibeete” iꞌi wochehe.

1 Taateenaꞌo 20:15

Ebina Akaabi woraaferasheenaꞌochi gurimaashe ginee naayinaꞌon kiciye. Boonoshiyoo gutte ballaa shaashaa gutteenaꞌone. Boonoshi hillooch Israꞌeelee ginee naayinaꞌo bullin kiciye. Boonoshiyoo wotta shabaatte humeenaꞌone.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

2 Kiinoo 20:12

No Nuggishoocho, noon kochiibeeti ebi dofee ginee naayon kochii wochoon hakkaano no tunetoyich, ne boonoshi toommooch nallibe; no tuniyemmonoo tuushito noone. Tunebaani noon ne gaachemmoyich neen ciinaabeeto noone” iye.

2 Kiinoo 20:23

Amoonee asheenaꞌonaa Moꞌabee asheenaꞌona Seyiri guudi toommeexi asheenaꞌo toommooch tiyiꞌi, wuxii aalliiheete. Seyiri guudi toommeexi asheenaꞌon wuxii ciichiichii, boonoshinaa boonoshina ciireheete.

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

Iyoobi 36:7

Yeeri cadiqeenaꞌon quyee beetone; taateenaꞌochoommon qeenooch boonoshin kotii beetone; bulli yemeenoon boonoshin oogii beetone.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Shoddo 20:8

Eboshi tepheeree dihemminaꞌone; tunebaani no tiyiree, manji neexemmo noone.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Keyo 14:28

Israꞌeeleenaꞌon dabbiꞌi, baharee daggooch giyiti gaarinaꞌon, hareshechinaꞌonaa Faroonichi ginechinaꞌo bullinon aaco wotteꞌi guuppiye. Ikkolla muriccito aalloone.

Dojjecho 9:11

Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.

Erimiyaasi 48:14

“Ittoshi aabichiꞌi, ‘Hakkecho noone; koyoochaanoo giidecho noone’ iyote?

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Hosee'i 10:13

“Tunebaani ittoshi, gondoon shookkiꞌi, bi aafoon qecciyote. Kootee aafoonoo maahote. Ittoshi giidoona, ittoshich beeti koyechinaꞌochi meetonoo gibeneeto ittoshine.

Amootsi 2:14

Kupphe woccecholla murici wodaachemmone; giidechoo giidoo muccemmone; ginee anaamolla bi qelloon wodiyoon hakkaachemmone.

Amootsi 2:15

Shangoona koyeebeeto gubb shokemmone; baata kettolla woci wodaachemmone; hareshechoo bi kashoon wodiyoon hakkaachemmone.

Yaasi 14:12

Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.

Woraaferasheenaꞌo 7:2

Doono Yeeri Geediyoonich ishichiye: “Neenna tookkii beeti asho meettitone. Israꞌeeleenaꞌo ‘No hajjee giidoonane no wodito’ getiree ta toommooch boonoshi geecaachemmoyich, Miidiyameenaꞌon boonoshi kishooch beshiiree imaachemmo taane.

Woraaferasheenaꞌo 7:4

Aroochee Doono Yeeri Geediyoonich ishichiye: “Andoo asho meettitone. Boonoshin aacooch yeshiree hambe; aroochaa ta boonoshin baribara qoodemmo taane. Tawoo ‘Ebi neenna tookki hambe’ ta immo, aroo neenna tookki hammemmone. Tunebaani ‘Ebi neenna tookki hammaaye’ ta immo, aroo neenna tookki hamaachemmone” iye.

1 Saameeli 17:4

Gaatee waati, bi neexo shiritte hiraa ciixon tuneti, Gooliyaadi getteebeeti, aricheti ginee anaamo Filsixeemeenaꞌo kaamboochee kechiye.

1 Saameeli 2:9

“Biyoo biich gibeneetinaꞌochi kashoon quyee beetone. Tunebaani gondeenaꞌo manderee daggooch dufaa aallemminaꞌone. Asho wudoon bi danemmo, bi hajjee giidoona toonoone.