Shoddo 33:13 - Kafa Linguistics Project

¹³ Doono Yeeri shimaayoochaa dugilla ciinniye; ashi bushiishoo bullin beeggiye.

Shoddo 33:13 ပူးပေါင်းရင်းမြစ်များ

Halloo 6:12

Yeeriyoo showoon ciinniꞌi, ebiyoche showoo duubeton, showee toommo bulliich beeti asho bulliyoo bi qocoo oogeton gondeton, beeggiye.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

Iyoobi 11:11

Bi dachechi asheenaꞌon arii beetone; xuꞌoon bi beegigaata, cikkii ciinaanoone;

Iyoobi 28:24

Ebiyoo, Yeeri showee tuggooch beddaahaa ciinniibeeto, shimaayoyee desh beeti mooyo bullin beeggiibeeto, bi tunetoyichiye.

Shoddo 102:19

Doono Yeeri damba yaafe bi xaaꞌoochaa ciinniye; shimaayoochaa showooch ciinniye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 14:2

Shalligecho, Yeerinoo qaawiibeeto beegaata beegoyich, Doono Yeeri shimaayoochaa dugilla ashi bushiisheenaꞌo waan ciinniye.

Shoddo 53:2

Shalligecho, Yeerinoo qaawiibeeto beegaata beegoyich, Yeeri shimaayoochaa dugilla ashi bushiisheenaꞌo waan ciinniye.

Shoddo 66:7

Bi hakkoona bulli yemeenoon qeejjemmone; bi aafo aageteenaꞌon ciinnii beetone; hukkechinaꞌo geecoona bi toommooch tiyaayeete.

Shaahiyoo 15:3

Doono Yeeri aafo bulli xaaꞌoon ciinnii beetone; deꞌeenaꞌonaa gondeenaꞌonon beeggii beetone.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.