11 Doono Yeerichi yamo bulli yemeenooch manjemmone; bi mullee gaboo shiijjeroochee shiijjerooch beddaahaane.
“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?
“Tuniiya bi qaawiton tuniihe; bi gaboon shaddiyemmo koniyoona aalloone.
Doono Yeero, ne shuunoo am shaahoon worganikkitone! Ne gaboo oogeti wohone.
Ashi mullooch beeto meeti gaboone; tunebaani ceennemmo Doono Yeeri gettitone.
Yeeri tuniito bulli, bulli yemeenoon beeyecho bi tunoon ariiho; ebichi toommooch amoonolla daakkoo woyee amoonolla shappayoo hakkeyaache; Yeeri ebin bi tuniito asheenaꞌo biin boonoshi shattemmoyichiye.
Beshe Mawe Doono Yeeri ishichii wogetone: “Ta gabitoommon tunemmone; ta maaccetoommonoo shuunooch heechemmone.
Beshe Mawe Doono Yeeri ishichii gabitone; konine bajjemmo? Bi mochoonoo tiijjitone; konine wochemmo?
Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.
Ittoshich ta gabaa beeti gaboon ariibeeto taane” iye Doono Yeeri. “Ebi gaboo bi ciiro gaawoonaa gibeneetona tuneti diggeechoani gonde gaboo toonoone.
Doono daaggaanoon, bi geto ceeno hakkemmo konine?
Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.
Tunebaani Doono Yeerichi gaboo amo gaata, ariyaaneenaꞌone; bi yamoonoo shalligaaneenaꞌone. Ebiyoo maayoon bucha buchi xaaꞌooch kicoommon boonoshin bi kicooniye.
Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.