Shoddo 32:6 - Kafa Linguistics Project

⁶ Ebich gibeneeti asho bulli bi xuuxee aabooba ne waan corootibe; ooge aalliyee aaco waahooba bi waan shagaachemmone.

Shoddo 32:6 ပူးပေါင်းရင်းမြစ်များ

Shoddo 144:7

Ne kishoon dambee deejjibe; giidechi aacoochee geechi kichiree taan wodiibe; dallaaweenaꞌo kishoochee taan wodiibe.

Shoddo 4:3

Doono Yeeri biich qeyiti asheenaꞌon biich bi kaacon ariibote; Doono Yeeri bi waan ta cookigaata waayemmone.

Shoddo 40:3

Biyoo andire shoddoon, ta Nuggishoyich tunemmi galletee shoddoon, taach immiye. Meetinaꞌo beegi shattemminaꞌone; Doono Yeerinoo gibenemminaꞌone.

Shoddo 42:7

Ne aachi haanaatee qaaroona, ikke gejjo bare gejjoon ceeggiye; ne aayonaa ne yuboona ta toommona beshehe.

Shoddo 91:7

Ne gaꞌooch humo, ne qanne badd aashire humo, dihemmone; tunebaani ne waan katinaachemmone.

Shaahiyoo 1:28

“Ebiyooba taan ceeggemminaꞌone; tunebaani ta, wochaachemmi taane; kupphiiree taan qaawemminaꞌone; tunebaani taan daneyaachemminaꞌone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Yowannisi 7:34

Ittoshiyoo taan qaawemmo ittoshine; tunebaani daneyaachemmo ittoshine; ta beetoochoo womon hakkaachote” iye.

2 Qorontoosi 1:4

Biyoo amee iritolla no toommooch shaggimmi aabo bullin noon goggii beetone. Ebich amee iritolla boonoshi toommooch shagaa, asheenaꞌo iriteebeeti aabo bullin, no wotta Yeeri noon goggiitoommi gommona boonoshin goggiyoon hakkiyone.

2 Qorontoosi 6:2

Yeeri ishichiye: “Ta wojjoon neech ta bekkiyemmi saato shagaa, neechon waayehoye; neen ta wodiyemmi aabo shagaa, neen gaachehoye” iye. Ebiyoche, Yeerichi wojjoon ne danemmi saato hanaachiye; ne wodemmi aaboo andiye.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

Titoosi 2:12

Ebi wojjoo axaaxee shuunoonaa hini showeexi mooyon qaatoonon qayiree, and hini yemeenooch no qellee quyoona, cadiqittinoonoo Yeerin oogiibeeti beemon no beeyemmoyich dojjii beetone.