Shoddo 32:5 - Kafa Linguistics Project

⁵ Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shoddo 32:5 ပူးပေါင်းရင်းမြစ်များ

2 Saameeli 12:13

Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

2 Saameeli 24:17

Daawiti asheenaꞌon wuxiibeeti maraakoon beeggiꞌi, Doono Yeerich ishichiye: “Axaaxoon shuuneto taane; boonoshi qiddoo tunaachaa gondeto ta qelloona taane. Hini bagoommi asheenaꞌo aalliiti mooyo aalloone. Taannaa ta nihoochi kechi asheenaꞌonon baach ne naxemmoyich neen qollehoye” iye.

1 Taateenaꞌo 8:50

Ne toommooch boonoshi shuuneti axaaxoyich, neen boonoshi xuqqiti xuꞌoyichoo ne asheenaꞌon maaribe; boonoshin keccitinaꞌo boonoshich ariqqemmoyich tuniibe.

2 Kiinoo 6:29

ne asheenaꞌo tuneti Israꞌeeleenaꞌo bulli woyee boonoshi daggoochee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Iyoobi 31:33

Ta gondoon aachaano taane; asho koniyoona tunii beetoommon, ta xuꞌoon aachaano taane.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Shoddo 103:12

Aabi-keyo aabi-gimoochee wohoommon no axaaxoon no waanee wokkiihe.

Shoddo 103:3

Ne axaaxoo bullin maariibeeto ne biiyo bullin wodiibeeto,

Shoddo 25:16

Ta, shiqqoonaa xukketona ta tunetoyich, ta waan wotteree, taach ariqqebe.

Shoddo 25:18

Ta xuuxoonaa ta iritoonon beege; ta axaaxoo bullinoo maaribe.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 38:18

Ta xuꞌoon aanniyoye; ta axaaxoo taan xuuxiitone.

Shoddo 38:19

Ta etteenaꞌo giidechinaꞌone; naboo aalloon taan shixxii beetinaꞌo meetinaꞌone.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Shaahiyoo 30:20

Shunimaaye gommo ebine: Biyoo maa bi noonoon hidaachaa, “Ame gondoonona shuuneyaane taane” iyan.

Isiyaasi 65:24

Taan boonoshi ceegoyee shiichi wochemmo taane; batt yibbaate boonoshi beetaa waayemmo taane.

Erimiyaasi 2:23

“Aabichiree ‘Eeꞌeyaane taane; Baꞌaaloonoo dabbaanee taane’ geton hakkenne? Bambeexi ne gommon ciine; amoon ne tuniito gaatoo shalligibe! Shaafitteti baraheexi gaaleen shaahiti neene.

Erimiyaasi 2:35

‘Ta, xallee taane; iberoochaa bi kaaro ta waanee wottetone’ iti neene; ‘Axaaxoon shuuneyaane taane’ ne itoyich, ne toommooch nallemmo taane.

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Leweenaꞌo 5:5

“ ‘Ikke asho ebiyoommi mooyon shuunoona xuꞌecho bi tunegaata, ebi bi shuuneti axaaxoon aannibe.

Milikiyaasi 3:8

“Asho Yeerin gaajjiibeetone? Tunebaani ittoshi taan gaajjito ittoshine. “Ittoshiyoo ‘Aabichireeshiye neen no gaajjemmo?’ ito ittoshine. “Taan ittoshi gaajjito, asraatoonaa wojjoonon taach giddiyee qayonane.

Luqaasi 16:15

Ebich Yesuusi boonoshich ishichiye: “Asheenaꞌo ittoshin beegiree, ‘Am shaahe cadiqeenaꞌone’ geton shunniibeeto ittoshine; tunebaani Yeeri ittoshi mullee gaboon arii beetone. Ashi gaboochaa oogetone getteebeeti mooyon Yeeri ciigemmone.

Luqaasi 7:47

Ebich neech gettoye: Ceeni bi mulloona taan shunnetine; ebina bi toommooch beeti meeti axaaxoyich maaroon danetine; tunebaani giisheche axaaxoyich maaroon daneti asho giishechooniye bi shunniibeeto” iye.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.