Shoddo 31:11 - Kafa Linguistics Project

¹¹ Ta etteenaꞌo bulli, beshoonoo ta giyeenaꞌo, taan cooneheete; taan arii beetinaꞌo taan shattiyeete; gommoochaa taan beeggitinaꞌoo ta waanee wokkiyeete.

Shoddo 31:11 ပူးပေါင်းရင်းမြစ်များ

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 38:11

Ta biiyoochee tiyitona, ta shunechinaꞌonaa ta nuucheenaꞌona taan qajjiyeete; ta xibeenaꞌoo tayee wokkiyeete.

Shoddo 64:8

Boonoshi yibbaatoochee tiyitona aalloon boonoshi toommooch deebemmone; boonoshin beegimmo bulli qelloon qeeqqeriyemmone.

Shoddo 88:18

Ta xiboonaa ta nuuchoonon tayee wokkiihine; manderoo baach taach nuuchoo tunehe.

Shoddo 88:8

Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Erimiyaasi 12:6

Ne maneenaꞌonaa ne yareenaꞌona neen dawushitinaꞌone; ne aalloochaa ne toommooch tiyii cookee beetinaꞌone; neenna tookkii gaawe noonoona boonoshi yibbaatetaanona, boonoshin gibeneyaahine” iye.

Mikiyaasi 7:6

Ebi arooba anaami bushiisheenaꞌo boonoshi niheenaꞌon qallayemminaꞌone; maache bushiisheenaꞌo boonoshi indeenaꞌo toommooch, naamecheenaꞌoo boonoshi amaateenaꞌo toommooch tiyemminaꞌone. Ashich etto tunemminaꞌo bi hajjee kechi asheenaꞌone.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Maatiyoosi 26:74

Arooba Pheexiroosi “Are uroon ariyaano taane” iꞌi bi kashoon uppii wogehe. Bekkech baakkoo kuukkiye.

Maariqoosi 14:50

Arooba bi dabbeenaꞌo bulli biin duppiichii aalleheete.

2 Ximootiyoosi 4:16

Batti batti ta taggoyich ikkolla taan gaacheyaanoon bulla qajjitinaꞌone; Yeeri ebi xuꞌoon boonoshi toommooch haddaaye.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;

Hibireena'o 13:13

Illa no wotta, bi cooneetoommon cooneebee, kaamboyee maach, bi waan hambone.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.