Shoddo 28:2 - Kafa Linguistics Project

² Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 28:2 ပူးပေါင်းရင်းမြစ်များ

1 Taateenaꞌo 6:19

Arooch Doono Yeerichi wogee taabootoon kotiyoyich, yaafee kechi maac, gubb waanaa Yaafe Xaaꞌeexi Yaafoon shuunehe.

1 Taateenaꞌo 6:5

Yaafee kechi guudoona, ebiyoo Yaafe Xaaꞌoonaa Yaafe Xaaꞌeexi Yaafoonochi duuhi guudoona, bare yeshe gishiishi kexinaꞌon shuunehe.

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 130:2

Ta Doonocho, ta cookoon waayebe; gaachee danoyich ta cookaabeeti cookoon waayebe.

Shoddo 134:2

Yaafe xaaꞌoochaa ittoshi kishoon yaggiree, Doono Yeerin galletebote.

Shoddo 138:2

Ne yaafee kexo waan goyinnemmo taane; ne shoodoonaa ne gibeneyoonoyich neen galletemmo taane; ne shigoonaa ne qaaroonon bulliyee beshoon ne oogiitoyich neen galletehoye.

Shoddo 140:6

Doono Yeerin “Ta Nuggishoo neene” gettemmo taane; Doono Yeero, gaachee danoyich ta cookaa beeton waayebe.

Shoddo 141:1

Doono Yeero, ne waan cookiyoye; and taan gaachebe. Ne waan ta cookimmona ta qaaroon waayebe.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 143:6

Ta kishoon ne waan yaggiyoye; shuuꞌi showoo amiyon qaatoommon ta kashe neen qaatiyane.

Shoddo 5:7

Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.

Shoddo 63:4

Ta kashee yemeeno bulliich neen galletemmo taane; ta kishoon kaama tiijjiree ne shigoon ceeggemmo taane.

Shoosho 2:19

Xumoona tiyi wochi wochi cookibote; ittoshi mullooch beeto bullin, Doonochi aafooch aacochoommon woniibote; gommo bulliichaa shaacoona naqereti, ittoshi bushiisheenaꞌochi kashoyich, ittoshi kishoon bi waan yaggibote.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 6:11

Asheenaꞌo ikkottee hammiꞌi, Daaneeli bi Nuggishoo waan corootii, qollee bi beetaa daneheete.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.