Shoddo 27:9 - Kafa Linguistics Project

⁹ Ne aafoon ta waanee gubb wochiyaahine; kaareree ne guuno waanee badd wotteyaahine; taach gaachoo neene; taan wodiyechi ta Nuggishoocho, taan qajjaahine; taan duppaahine.

Shoddo 27:9 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 102:2

Ta xuuxee aabooba ne aafoon badd wochiyaahine; ne waamon ta waan gaꞌiibe. Ne waan ta cookiyooba, kaateree waayebe.

Shoddo 102:3

Ta yemeeno cufoo aalloommon aallehe; ta shaawushoo qaaqqee bunoochoommon gaamiye.

Shoddo 119:121

Tate mooyonaa cadiqoonon tuniito taane; xuuxiyemminaꞌoyich taan beshii immaahine.

Shoddo 13:1

Doono Yeero, ciroona taan ne batte beeyemmo, aati wottooniye? Ne aafoon ta waanee bara ne wochi beeyemmo, aati wottooniye?

Shoddo 143:7

Doono Yeero, ta qolloon kaateree waayebe; ta qiimitto miccitone; ne aafoon ta waanee badd wochiyaahine; ne wochigaata, maash hammii beetinaꞌon shaahemmo taane.

Shoddo 24:5

Aroo Doono Yeer waanee diiroon, Wodiyechi bi Nuggishoo waanee dayinnetoon, danemmone.

Shoddo 44:24

Ne aafoon badd ne wochaabeeto amoyichiye? No xuuxoonaa no neexxeyoonon aaxxiyaache ne iyaabeeto amoyichiye?

Shoddo 51:11

Ne aafoochee taan wokkiyaahine; ne Yaafe Ayaanoon ta waanee daammaahine.

Shoddo 69:17

Ne aafoon ne guuno waanee badd wochiyaahine; duꞌee toommooch ta beetoyich, kaateree ta qolloon waayebe.

Shoddo 69:18

Ta waan katiniree taan biishebe; ta etteenaꞌo waanee taan wodiibe.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 59:2

Tunebaani ittoshi xuꞌo ittoshinaa ittoshi Nuggishoonochi daggooch barbarittinoon gedditone; ittoshi axaaxoo bi aafoon ittoshi waanee bi wochemmoyich tuniitone; ebich ittoshi qolloon waayeyaache.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

1 Saameeli 7:12

Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.