Shoddo 27:4 - Kafa Linguistics Project

⁴ Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 27:4 ပူးပေါင်းရင်းမြစ်များ

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

Shoddo 23:6

Ta kashee yemeeno bulliich, ne deꞌittinoonaa shoodoona taanna tookki tunemmone. Doono Yeerichi kexooch bulli yemeenoon beeyemmo taane.

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Shoddo 26:8

Doono Yeero, ne beeti kexon, ne oogo beeyi xaaꞌoon shunnoye.

Shoddo 27:8

Newoo, “Taan qaawibote” iyine; Doono Yeero, ta mullo “Neen qaawemmo taane” iye.

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 65:4

Ne kaacceti asho, ne addibaabooch bi beeyemmoyich, ne waan ne katichiti asho, diireetone. Nowoo ne kexeexi gaawe mooyona, ne yaafee kexeexona michemmo noone.

Shoddo 84:10

Bare xaaꞌooch hume qemon kotoyee, ne addibaabooch ikke heeyon heeyo gaawiye. Gondeenaꞌochi duukkaanooch beemoyee, Yeerichi kechi kellooch neexoon shunnoye.

Shoddo 84:4

Bulli aaboon shoddoona neen galleteebee, ne kexooch beetinaꞌo diireetinaꞌone.

Shoddo 90:17

No Doono, no Nuggishoocho, ne ariqqo no toommooch tunebe; no shuunoon nooch kaachibe; eeha, no shuunoon nooch kaachibe.

Erimiyaasi 29:13

Taan qaawemmo ittoshine; ittoshi ceeni mulloona taan qaawiree danemmo ittoshine.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Luqaasi 10:42

Tunebaani qaaweeto ikke mooyo baachiye; Maariyamiyoo are gaaweti mooyon yechetine; biichoo bacheyaache” iye.

Luqaasi 13:24

“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete.

Luqaasi 18:1

Ebiyee gubb, taahaanoon bulli aaboon corooteechon Yesuusi ishichiꞌi bi dabbeenaꞌoyich hini shaahiyoona gettiye:

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Filipphisiyoosi 3:13

Ta maneenaꞌote! Batt “Yecheto taane” iyaꞌa haddaache. Tunebaani ikke mooyon baach tuniyaabeete. Ta gubb beeton battaabee, ta aaf beeton yeshoyich yafiyoye.

1 Ximootiyoosi 5:5

Degaalli xuumee tunaꞌa bi ikkeeti beeti maachechi gibeno Yeeri baachiye; ebich xumoonaa areddoonon Yeerin qolloonaa corootoona kupphaa beetine.

Hibireena'o 11:6

Asho koniyoona mulloon Yeeri toommooch tooꞌiyaanoon Yeerin emirikkoon hakkaache; Yeer waan giddeebeeti asho Yeeri beemon, biin qaawii beetinaꞌoyichoo bi wojjoon wojjiibeeto bi tunoon iberiyoo biich qaawiihe.

1 Saameeli 1:11

Ishichaanoo mookkahan: “Beshe Mawe Doono Yeero, ne gonnee ta xuuxoon beeggaꞌa taan ne gabigaata, ne gonnee taanoo batteyaanoon anaami bushoon taach ne imigaata, kashoona bi beemmi yemeeno bullin neech immemmi taane; bi qelloochoo appoo shagaachemmone” iyan.

1 Saameeli 22:10

Ahimeleeki Daawiti amoon bi tuniyemmo gaata Doono Yeeri bekkiyemmoyich qollehe. Wotta shohoonaa Filsixeemo Gooliyaadichi goraadoonon biich immitone” iye.

1 Saameeli 30:8

Daawitiyoo “Ebi bokkeenaꞌon yoohi dabbibota? Dabbiree boonoshin yechehote?” iꞌi Doono Yeer waan corootiye. Doono Yeeriyoo “Yoohi dabbibe; boonoshin yeshiree keccetinaꞌon wochemmo neene” iye.