Shoddo 25:9 - Kafa Linguistics Project

⁹ Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Shoddo 25:9 ပူးပေါင်းရင်းမြစ်များ

Shoddo 119:35

Taan boonoshi emirikkii beetoyich, ne geteenaꞌona taan yaabibe.

Shoddo 119:66

Ne geteenaꞌon ta gibenaa beetoyich, shalligoonaa ariyoonon taach imbe.

Shoddo 143:10

Ta Nuggishoo ne tunetoyich, ne daaggoon ta tuniyemmoyich taan dojjibe; gaawe ne Ayaano tate boochoona taan yaabibe.

Shoddo 147:6

Boonoshi qelloon giishiitinaꞌon Doono Yeeri damba tiijjiye; tunebaani gondeenaꞌon showooch dichiye.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 23:3

Ta kashoon andiriihe; bi shigoyicha iꞌi cadiqee gommona taan yaabiye.

Shoddo 27:11

Doono Yeero, ne gommon taach dojjibe; ta etteenaꞌochi naboyich tate gommona taan yaabibe.

Shoddo 73:24

Ne ciicoona taan yaabihine; ciiroochaa, oogoona taan daammemmo neene.

Shoddo 76:9

Yeeri neexaa hajjeetinaꞌon wodiyoyich, nalliya bi tiyiyooba, showoo shashewimiye.

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Isiyaasi 11:4

tunebaani girechinaꞌoyich cadiqoona nallemmone; gaachaalleenaꞌoyich dayinnetoona nalli maaccemmone; bi kookkoochee kechimmi gumboona showoon xoobbemmone; bi nooneexi hiinnoona gondeenaꞌon wuxemmone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Mishiraachechinaꞌo 9:2

Hammiꞌi, “Damaasiqi katemooch beeti Ayihudeenaꞌo kiceebeeti kechi ukkireenaꞌoyich koorichoon kooriree taach imbe; arooch Yesuusichi gommon dabbii beetinaꞌon, anaaminaꞌo tunebeeta maacheenaꞌon yeshi cuyiree Yerusaalem deebona” iꞌi qollehe.

Galaati 5:23

shiimecho tuno, bi qellee ariyoo, eboshine. Eboshiyoomminaꞌon bajjemmi sheeroo aalloone.

Hibireena'o 10:20

Yesuusi bi qelloon deejjoo tuniiꞌi bi giddiitoyich, tippeeti maccillaatoyee besheree Yeer waan no giyemmi beeyechonaa andiroona tuneti gommon nooch qechiye.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.

1 Pheexiroosi 3:4

Tunebaani Yeeri aafooch bi gatiyoo oogeton aaxxoo tuneti maacaa mashaamiti ashoon tunebote. Gaꞌi deꞌoonaa gaawe shuriyechonon tuneree aalleyaani malletoon qaawibote.