Shoddo 25:5 - Kafa Linguistics Project

⁵ Taan wodiyechi ta Nuggishoo ne tunetoyich, ne iberittinoona taan yaabiree dojjibe. Heeyo bullin ta gibenaabeeto neeniye.

Shoddo 25:5 ပူးပေါင်းရင်းမြစ်များ

Halloo 49:18

“Doono Yeero, taan ne wodiyemmoyich quyaabeeto taane.

Nehimi 9:20

Boonoshin bi dojjemmoyich deꞌe ne Ayaanoon boonoshich immehine. Mannoonoo boonoshi noonoochee kuxaano neene; boonoshi shachewoyichoo aacon immehine.

Iyoobi 36:22

“Ebiyoche, Yeeri hakkoona beshitone; biinoommi dojjecho aalloone.

Shoddo 107:7

Boonoshi beeyemmi katemooch kaame gommona boonoshin yaabiye.

Shoddo 119:26

Ta mooyo bullin neech gettehoye; newoo waayehine; ne sheeroon taach dojjibe.

Shoddo 119:33

Doono Yeero, ne qociyoon taach dojjibe; tawoo ciirooch beddaahaa quyemmo taane.

Shoddo 119:66

Ne geteenaꞌon ta gibenaa beetoyich, shalligoonaa ariyoonon taach imbe.

Shoddo 119:97

Ne getoon am shaahoon shunnehote; heeyo bullin kichaa kindiyaa gabiyoye.

Shoddo 22:2

Ta Nuggishoocho, areddoon cookiyoye; tunebaani waayoon qajjehine; xumoonoo kashaa qeyaano taane.

Shoddo 24:5

Aroo Doono Yeer waanee diiroon, Wodiyechi bi Nuggishoo waanee dayinnetoon, danemmone.

Shoddo 25:10

Bi wogoonaa bi qociyoonon quyee beetinaꞌoyich, Doono Yeerichi gommo bulli shoodoonaa gibeneyoonane.

Shoddo 25:8

Doono Yeeri deꞌoonaa kaamoona bi tunetoyich, axaaxechinaꞌoyich bi gommon dojjiye.

Shoddo 68:20

No Nuggishoo wodiyechi Nuggishoone; qitoochee no muriccemmoyich tuniibeeto, Nuggishoo Doono Yeerine.

Shoddo 79:9

Noon wodiyechi Yeero, ooge ne shigoyicha getiree noon gaachebe; ne shigoyicha getiree noon wodiibe; no axaaxoon maaribe.

Shoddo 86:3

Heeyo bullin ne waan cookaabeeto taane; ta Doonocho, taach ariqqebe.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Shaahiyoo 23:17

Ne mullo axaaxechinaꞌon qanaataaye; heeyo bullin Doono Yeerin shatona beebe.

Shaahiyoo 8:34

Ta waanee waayeebeeti asho, qemi qemona ta kellooch daneebeeti, ta kellee gaꞌooch taan quyeebeeto, diireetone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 42:16

Aaf doogeenaꞌon boonoshi ariyaani gommona yaabemmo taane; boonoshi ariyaani kaattoonoo boonoshin yaabemmo taane. Boonoshi aafooch beeti manderoon bekkooch shaddemmo taane; giyaa keye xaaꞌoon tachemmo taane; ebi mooyinaꞌon tuniyemmo taane; boonoshin dufaachemmo taane.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 54:13

Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Yowannisi 6:45

‘Boonoshi bulli Yeer waanee ariitinaꞌo tunemminaꞌone’ getaa keemechinaꞌochi macaafooch kooreetone. Illa Nihoo Yeer waanee waayeꞌi ariibeeto bulli ta waan woyemmone.

Roomi 8:14

Yeerichi Ayaano boonoshin yaabii beetinaꞌo bulli eboshi Yeerichi bushiisheenaꞌone.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.