Shoddo 25:3 - Kafa Linguistics Project

³ Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 25:3 ပူးပေါင်းရင်းမြစ်များ

Halloo 49:13

“Zebulooni baharee gashooch kotemmone; markabeenaꞌochi neexee xaaꞌoon tunemmone; bi showee tuggo Sidoon beddaahaa tunemmone.

1 Kiinoo 10:13

Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.

Shoddo 109:3

Ta guudoon guuddiꞌi taan shixona yibbaateheete; naboo aalloon taanna koyeheete.

Shoddo 119:78

Geecechinaꞌo kootoon taan boonoshi taggetoyich, yeellebeete; tunebaani ta, ne getoon kichi kindii gabemmo taane.

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Shoddo 132:18

Bi etteenaꞌoyich yeelloon tajjemmo taane; tunebaani bi uketi gubbichoo waccemmone” iye.

Shoddo 22:6

Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 31:17

Doono Yeero, neen ta ceeggetoyich yeellayone. Gondeenaꞌo yeellebeete; minnakanna getaanoon maash hambeete.

Shoddo 31:18

Cadiqo toommooch aafee kupphoona yibbaateebeeti, geecoonaa hoxoona ceenniti, koottiibeeti heciyeenaꞌo tippebeete.

Shoddo 33:20

Doono Yeerin gibenehone; bi noon gaacheebeeti deeboone.

Shoddo 35:26

Ta iriteyoona emirii beetinaꞌo yeellebeete; boonoshichoo tambibe. Ta toommooch kaama ciixee beetinaꞌo yeelle giishebeete.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 6:10

Ta etteenaꞌo bulli yeellemminaꞌone; oogichishoo keqqemminaꞌone; diqqoona yeelleree gubb wottemminaꞌone.

Shoddo 62:1

Ta kashe kashaꞌa quyaabeeto Yeerin baachiye; ta wodoo waabeeto bi waaneeniye.

Shoddo 62:5

Ta kashe kashaꞌa quyeebeeto Yeerin baachiye; ebiyoo, ta gibenaabeeto biin bi tunetoyichiye.

Shoddo 69:4

Naboo aalloon taan shixxii beetinaꞌo, ta qelli eexoyee beshi meetinaꞌone; koote mooyona taan aalliiya ii beeti ta etteenaꞌo meetinaꞌone; ta gaayaani mooyon wochoo taach qaawiihe?

Shoddo 69:6

Beshe Hakkechi Nuggishoo Doono Yeero, neen gibenee beetinaꞌo ta naboona yeellayeete; Israꞌeelee Nuggishoo Yeero, neen qaawii beetinaꞌo ta naboona cooneyaayeete.

Shoddo 71:13

Ta shixechinaꞌo yeellebeete; aallebeete; taach gondoon gabii beetinaꞌo giishebeete; cooneebeete.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 40:31

Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Erimiyaasi 20:11

Tunebaani Doono Yeeri hakkechi ginee naayochoommon taanna tookkiiniye; ebich taan yookkii beetinaꞌo tepheeshalli boonoshi gettemmo, taan xoobiyaachemminaꞌone; boonoshich kaameyaachemmo bi tunetoyich, oogichi yeellemminaꞌone; bulli aabooch batteyaani cooneyoon cooneyemminaꞌone.

Shoosho 3:25

Doono Yeeri, biin gibenoona quyee beetinaꞌoyich, bi waan wottee beetinaꞌoyichoo gaawetone.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Yowannisi 15:25

Ebi tuneto, boonoshi Sheeree Macaafoochaa ‘Naboo aalloon taan shixxiyeete’ getaa kooreeto bi ceennemmoyichiye.

Roomi 8:25

No beegaani mooyon no gibenegaata, haaꞌiyoona quyemmo noone.