Shoddo 25:13 - Kafa Linguistics Project

¹³ Mooyo biich mashaamaa beeyemmone; bi yareenaꞌo showoon woraashemminaꞌone.

Shoddo 25:13 ပူးပေါင်းရင်းမြစ်များ

Shoddo 112:2

Bi yareenaꞌo showee toommoochaa giidechinaꞌo tunemminaꞌone; kaamoochi shiijjereenaꞌo diireyemminaꞌone.

Shoddo 31:19

Asheenaꞌo aafoochaa neen shattii beetinaꞌoyich ne qanniiti, ne shoobooch giyitinaꞌoyich ne kiciti, ne deꞌittino am shaahoon woddehe!

Shoddo 36:8

Ne kexeexi beshaa beshe maayoochee gifiroon maaheete; emirikkiibeeti ne aacoochee boonoshi uchemmoyich tuniihine.

Shoddo 37:11

Boonoshi qelloon giishii beetinaꞌo showoon woraashemminaꞌone; beemi gaawoonaa diggoona beemona emiremminaꞌone.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Shoddo 37:26

Biyoo bulli aaboon wojjiye; erettiinoo iye; bi bushiisheenaꞌoo diireeton tuneheete.

Shoddo 37:29

Cadiqeenaꞌo showoon woraashemminaꞌone; bulli yemeenoon arooch kotemminaꞌone.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 37:9

Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.

Shoddo 63:5

Awuyonaa qefoonon maaꞌi miyoommon, ta kashe neenna digaayehane; ta noonoo galletee shoddoon emiroona neech shoddemmone.

Shoddo 69:36

Bi guuninaꞌochi yareenaꞌoo woraashemminaꞌone; biin shunnii beetinaꞌo arooch kotemminaꞌone.

Shaahiyoo 1:33

tunebaani ta waanee ellemmo tooꞌiree kotemmone; amee keqqolla aalloon beeyemmone” iyane.

Shaahiyoo 19:23

Doono Yeerin shato kasho waan yaabiye; biin shattiibeeto digaayoona beehe; gonde mooyo bi waan shagaache.

Shaahiyoo 20:7

Cadiqe asho oonneyaani beemon beehe; biyee gubbi bi bushiisheenaꞌoo diireetinaꞌone.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Isiyaasi 65:23

Boonoshinaa boonoshi bushiishoona Doono Yeerina diireetinaꞌo boonoshi tunetoyich, duuboon aayaachemminaꞌone; aallemmi bushiishoon shiyaachemminaꞌone.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Filipphisiyoosi 4:19

Ta Nuggishoo ceeni bi gaannoochee ittoshich shappimmi mooyo bullin Kiristoos Yesuusina ceechemmone.

1 Pheexiroosi 3:10

Yaafe Macaafooch bi kooreetoommon, “Emiree kashoona beemon shunniibeeto, bi beeti yemeenooch gaawe mooyon beegoyich qaawiibeeti asho, bi heciyoona gondoon, bi noonoonoo dawushee yibbaatoon, yibbaataaye.

2 Pheexiroosi 3:13

Tunebaani bi gibenikkiti gibenoommon, cadiqittino beeyemmi andire shimaayoonaa andire showoonon quyaabeeto noone.