Shoddo 25:11 - Kafa Linguistics Project

¹¹ Doono Yeero, ta axaaxoo woddoo bi tunetoyich, ne shigoyicha getiree taan maaribe.

Shoddo 25:11 ပူးပေါင်းရင်းမြစ်များ

Shoddo 109:21

Tunebaani ta Nuggishoo Doono Yeero, ne shigoyicha getiree taach ariqqebe; ne shoodo gaaweto bi tunetoyich, taan wodiibe.

Shoddo 143:11

Doono Yeero, ne shigoyicha getiree ta kasheen quyebe; ne cadiqittinoona xuuxoochee taan kichibe.

Shoddo 31:3

Ne ta deebe xaqqo, ta mishigo neene; ne shigoyicha getiree taan yaabibe; gommonoo taach bekkiibe.

Shoddo 79:9

Noon wodiyechi Yeero, ooge ne shigoyicha getiree noon gaachebe; ne shigoyicha getiree noon wodiibe; no axaaxoon maaribe.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Isiyaasi 43:25

“Ta shigoyicha geti ne axaaxoon maaremmo, ta qelloona Yeeri taane; ne axaaxoon gabaachemmo taane.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Hiziqeeli 36:22

“Ebich Nuggishoo Doono Yeeri ta gettaa beeton Israꞌeelee yareenaꞌoyich gete: Israꞌeelee yareenaꞌote, ta shuunaabeeto ittoshi hammiti aageteenaꞌo daggoochaa bi naakkemmoyich ittoshi tuniiti yaafe ta shigoyicha iyaꞌanalli ittoshicha iyaꞌa toonoone.

Roomi 5:15

Tunebaani Yeerichi wojjoo Addaamichi xuꞌoommon toonoone; ebi are ikke uroochi xuꞌee naboona meetinaꞌo qititinaꞌone; Yeeri immiibeeti wojjoo am shaahoon beshaa beshiꞌi woddete! Ebiyoommon ikke uro Yesuus Kiristoosina Yeeri meetinaꞌoyich wojjoon beshaa beshiiꞌi immitone.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.