Shoddo 24:7 - Kafa Linguistics Project

⁷ Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.

Shoddo 24:7 ပူးပေါင်းရင်းမြစ်များ

2 Saameeli 6:17

Aroochee Doono Yeerichi taabootoon deebii, Daawiti xogiti duukkaanooch giijjiꞌi, bi kotemmoyich qanniti xaaꞌooch kotiiheete. Daawitiyoo micciibeeti deejjoonaa ikkittinee deejjoonon Doono Yeerich deejjiye.

1 Taateenaꞌo 8:11

Doono Yeerichi oogo yaafee kexooch bi ceennitoyich, qeesheenaꞌo qubee naboona, neexeꞌi maddoon hakkaaneenaꞌone.

1 Taateenaꞌo 8:6

Qeesheenaꞌo Doono Yeerichi wogee taabootoon yaafee kexooch beeti bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

Shoddo 132:8

Doono Yeero, tibe! Ne giidee malletoo tuneti ne taabootoona tookki ne kashee xaaꞌooch gibe.

Shoddo 21:1

Doono Yeero, biich giidoon ne immetoyich taatoo emiriye; wudoon ne daniitoyich emiroona wucwucciye.

Shoddo 21:5

Ne immeti wudoona beshii oogehe; oogoonaa oogee yiiroonon biich tajjihine.

Shoddo 97:6

Shimaayeenaꞌo bi cadiqittinoon awaajjiyeete; macceenaꞌo bulli bi oogoon beeggiyeete.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Mikiyaasi 4:8

Qiddoo dilaaloochaa bi bagoon quyoommon Yeeri bi asheenaꞌon quyeebeeti Yerusaaleme! Wonnee ne oogo neech wottemmone; wochinnoon inde katemoon tunemmi neene.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Haagi 2:9

Hini yaafee kechi oogee yiiroo aafichoyee beshoon tunemmone. Hini xaaꞌoochaa ta asheenaꞌoyich mashaamiti beemonaa diggoonon immemmo taane’ itone Beshe Mawe Doono Yeeri” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

1 Qorontoosi 2:8

Hini showee iraasheenaꞌo daggoochee ikkolla ebi shalligoon ariito aalloone; boonoshi ariito gaata, oogee yiiree Doono Yesuusin yoodaacheshinaꞌone.

Yaaqobi 2:1

Ta maneenaꞌote! Oogee yiirecho tuneti no Doono Yesuus Kiristoosi toommooch mulloon tooꞌiito ittoshine; ebich ashoon barbariiree heppiyaahote.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.