Shoddo 24:5 - Kafa Linguistics Project

⁵ Aroo Doono Yeer waanee diiroon, Wodiyechi bi Nuggishoo waanee dayinnetoon, danemmone.

Shoddo 24:5 ပူးပေါင်းရင်းမြစ်များ

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 68:19

Qemi qemona no shaagoon shaaggiibeeti, Doono galleteebe; Nuggishoo noon wodiyechone.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:9

Eboshi mulloon Yeeri toommooch tooꞌiitinaꞌo, mulloon tooꞌiiti Abrahamina tookkii diireetinaꞌone.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.