Shoddo 22:6 - Kafa Linguistics Project

⁶ Tunebaani ta hipperoo taane; asho toono taane; ashoona cooneyaꞌa hoxeeto taane.

Shoddo 22:6 ပူးပေါင်းရင်းမြစ်များ

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

Iyoobi 25:6

Ishigaata, hipperoo tuneti asho, turoo tuneti ashi bushoo, amoon tunehe” iye.

Shoddo 25:3

Neen gibenee beetinaꞌo yeelleyaachemminaꞌone; baad cikkii dawushii beetinaꞌo yeellemminaꞌone.

Shoddo 31:1

Doono Yeero, ne shoobooch giyeto taane; ta yeellemmoyich tuniyaahine; ne cadiqittinoona taan wodiibe.

Shoddo 31:11

Ta etteenaꞌo bulli, beshoonoo ta giyeenaꞌo, taan cooneheete; taan arii beetinaꞌo taan shattiyeete; gommoochaa taan beeggitinaꞌoo ta waanee wokkiyeete.

Shoddo 41:5

Ta etteenaꞌo taan gondii yibbaateheete: “Aata qitehe? Aata bi shigo batteeyehe?” iyeete.

Shoddo 88:8

Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Shoosho 3:30

Bi gaakkoonoo tappemmoyich bekkiibe; naaggoonoo miye.

Maatiyoosi 11:19

Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Yowannisi 7:15

Ayihudee ukkireenaꞌo “Asho biich dojjaanoon, hini uro eboshi bullin aabichiꞌi ariihe?” iꞌi worganee beeheete.

Yowannisi 7:20

Asheenaꞌo wochiꞌi, “Yinno ne toommooch beetone. Konine neen wuxoyich qaawiibeeto?” iyeete.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Hibireena'o 13:12

Ebich Yesuusi wotta bi hajjee damoona asheenaꞌon yaafiya katemee kelloyee maach kichaa xuuxoon beeggiye.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!