Shoddo 22:3 - Kafa Linguistics Project

³ Tunebaani ne, Israꞌeeleenaꞌona galleteeti, taatee qeenooch koteti Yaafe Nuggishoo neene.

Shoddo 22:3 ပူးပေါင်းရင်းမြစ်များ

Iyoobi 19:7

“ ‘Xuqqeto taane’ iyaꞌa ta cookitaa, koniyoona ta cookoon waayeyaache; ta qaaroon oogichaꞌa ta cookitaa, dayinnetoon daneyaache.

Iyoobi 30:20

“Yeero, ne waan ta cookaa waayemmon qajjehine; ne aafooch ta neexetaa, aaxxiyaache iyine.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 65:1

Yeero, Tsiyoonaa galletoon neech giddiyoo, neech no mookketon ceechoo, nooch qaawiihe.

Shoddo 88:2

Ta corooto ne aafooch bede; ne waamon gaꞌiiree ta cookoon waayebe.

Shoddo 99:9

No Nuggishoo Doono Yeeri yaafoo bi tunetoyich, no Nuggishoo Doono Yeerin galletebote; yaafeeti bi guudoochaa goyinnebote.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Imbaaqoomi 1:2

Doono Yeero, noon ne gaachemmoyich ta cookaa, waayoon ne qayi beeyemmo aati wottooniye? “Xukketo noone” iyaꞌa ne waan cookiyoye; tunebaani shaggaꞌa noon wodiyaachine.

Yibbaatoo 10:21

Biin naadibe. Biyoo ne Nuggishoone. Ne aafoona ne beeggeti, ebi are giidechonaa shattiitona tuneti mooyon neech tuniitone.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.