Shoddo 20:7 - Kafa Linguistics Project

⁷ Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

Shoddo 20:7 ပူးပေါင်းရင်းမြစ်များ

2 Saameeli 10:18

Sooriyeenaꞌo Israꞌeeleenaꞌo aafoochee wocee aalleheete. Daawitinaa bi asheenaꞌona gaari toommooch tuneꞌi koyeebeeti shabaatte balle asheenaꞌonaa aabbe hume hareshechinaꞌonon wuxiyeete. Ginee naayinaꞌochi iraashoo Shobaakinoo kochii mayiiheete; biyoo aroochaa qitiye.

2 Saameeli 8:4

Daawitiyoo hareshechi ikke humaa shabaatte balle ginee naayinaꞌonaa baatechi hiye hume ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.

2 Kiinoo 13:16

Israꞌeeleenaꞌoo Yihudee asheenaꞌo aafoochee woceheete. Yeeriyoo Israꞌeeleenaꞌon boonoshi kishooch beshiiꞌi immiye.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Shoddo 28:8

Doono Yeeri bi asheenaꞌochi giidoone; bi huuttitonoo shoobbii wodiyechone.

Shoddo 45:17

Ne shigo shiijjeroo bulliich bi shalligeyemmoyich tuniyemmo taane; ebina macceenaꞌo bulli yemeenoon neen galletemminaꞌone.

Shaahiyoo 21:31

Koyoobich hareshoo qanniye; tunebaani wudoon immiibeeto Doono Yeerine.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Erimiyaasi 17:5

Doono Yeeri ishichiye: “Ashoon gibeneebeeti, meeno taheton deebo tuniibeeti, bi mulloo Doono Yeer waanee bara wotteti asho, uppeton tunebe.

1 Saameeli 13:5

Filsixeemeenaꞌo shaashe hume gaarin yechiꞌi, shiritte hume hareshechinaꞌonaa baharee gasheexi qacoochoommon woddeti ginee naayinaꞌonon tuneꞌi, Israꞌeeleenaꞌon kocha kiceeheete. Boonoshiyoo Beet Aweenaa aabi-keyo waan beeti Mikimaash kaamboon geddiꞌi koteheete.

1 Saameeli 2:10

Doono Yeerin shixxii beetinaꞌo buricemminaꞌone; biyoo shimaayoochaa boonoshi toommooch gigemmone; Doono Yeeri showee toommo bulliich nallemmone. Bi taatiiti taatoyich giidoon immemmone; bi huuttiti taatoon giidechon tuniyemmone” iyan.