Shoddo 2:12 - Kafa Linguistics Project

¹² Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 2:12 ပူးပေါင်းရင်းမြစ်များ

Halloo 41:40

Ta taatittinee showooch iraashebe. Ta asho bulli neech hajjeebe. Neyee ta beshemmo, ta taatee qeenona baachiye” iye.

1 Taateenaꞌo 19:18

Tawoo Israꞌeeleenaꞌo daggoochee shabaatte hume asheenaꞌon taach echiyemmo taane. Eboshi bulliyoo Baꞌaaloyich goyinneyaani, boonoshi noonoonoo Baꞌaaloochi shahalloon shumaani asheenaꞌone” iye.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 109:20

Taan gondii yibbaatee beetinaꞌoyich, taan taggee beetinaꞌoyich, Doono Yeeri ebin qoce.

Shoddo 2:5

Aroochee kaaree shiixxoona boonoshich yibbaatemmone; oogeti kaaroona boonoshin keqqichemmone.

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 31:20

Asheenaꞌochi koceyoochee, ne beeyi xaaꞌooch boonoshin aachihine. Boonoshin taggeebeeti heciyoochee, ne duukkaanooch boonoshin qerihine.

Shoddo 34:8

Doono Yeeri deꞌo bi tunoon ciiniree ariibote; bi shoobooch giyiti asho diireetone.

Shoddo 34:9

Biin shattii beetinaꞌo amoonolla mucceyaachemminaꞌo boonoshi tunetoyich, bi yaafeenaꞌote, Doono Yeerin shatote.

Shoddo 40:4

Doono Yeerin gibeneebeeto, koote nuggisheenaꞌon dabbiibeeti geecechinaꞌo waan wotteyaani asho, diireetone.

Shoddo 84:12

Beshe Mawe Doono Yeero, neen gibeneebeeti asheenaꞌo diireetinaꞌone.

Shaahiyoo 16:20

Ciicoon deqqii beetoyich mooyo kaamehe; Doono Yeerin gibeneebeeto diireetone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Erimiyaasi 17:7

“Doono Yeerin gibeneto, bi gibeno Doono Yeeri tuneto, diireetone.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]