Shoddo 18:30 - Kafa Linguistics Project

³⁰ Yeerichi gommo muricaalloone; Doono Yeeri gettiti mooyo gibeneetone; bi shoobooch giyitinaꞌon gaachoochoommon qerii beetone.

Shoddo 18:30 ပူးပေါင်းရင်းမြစ်များ

2 Saameeli 22:31

Yeerichi gommo muricaalloone; Doono Yeeri gettiti mooyo gibeneetone; bi shoobooch giyitinaꞌon gaachoochoommon qerii beetone.

Shoddo 119:140

Ne gibenikkiti qaaro oogeton phireeꞌi beshetone; ne guuno tawoo ebin shunnehoye.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 17:7

Etto waanee ne shoobooch giyitinaꞌon, ne qanne mochoona wodiyechocho, ne shoodoon worganikkiti gommona bekkiibe.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 25:10

Bi wogoonaa bi qociyoonon quyee beetinaꞌoyich, Doono Yeerichi gommo bulli shoodoonaa gibeneyoonane.

Shaahiyoo 30:5

Yeerichi qaaro iberoone; biin gibenee beetinaꞌoyich gaachoone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!